انا اسف يا ليلى لو كنت منفعل بس حقيقى اندهشت من رد فعل الجماعة

العمل ياليلى يكون مثمر لو مدروس
يعنى الاضراب كان ممكن ينجح لو فيه مطلب محدد واضح
مواجهة الغلاء بمطالب محددة ودى موجودة واتعرضت عليهم بدون اى نتيجة ولان المسؤولين عن التنظم هم شباب من الغد ولا يستبعد انها مقترحات من قياداتهم فاهدافهم كانت مختلطة وبالنهاية تكلموا عن عصيان مدنى واسقاط الحكم وده مش ممكن حاليا لان كل شئ له ظروفه الموضوعية
البناء يكون تدريجى لو المطالب تدريجية نقوم نحققها ونكمل وعندنا ثقة و الناس معانا لاننا حققنالهم مكاسب حقيقية

اما الان فهم يريدون تكرار نفس الشئ
المشكلة بصراحة ان قيادات الغد مدربة على طريقة محددة هى تخيل انه من الممكن اسقاط النظام بثورة برتقالية زى بتاع اكرانيا وهم لا يدرسوا الوضع لمعرفة هل الوعى الشعبى يمكنه الان هذا ام لا فى مصر
الشعوب لا تتحرك هكذا ابدا و العمل النضالى له اسس و طرق ودراسة
وفى حالة الوعى السياسى المنخفض زى مصر يبقى العمل على المطالب المباشرة اولا ثم التدرج مع بناء قوتك