اه انا شفت عشرميت ضعف اللي البنت دي شافته في الجيش

واتاخدت اماكن انا معرفش هي فين على الخريطة واختفيت عن اهلي بالشهور ووصلت اني مرة اضربت ضرب مبرح من صول صاعقه -ابن #@@#- وانا عضو في هيئة تدريس في اكبر جامعه فيكي يا مصر وخدوني المخابرات الحربية تحقيقات لفتره محترمة عشان كان ليه قريب من بعييييد كان شيوعي (مات في المعتقل سنة 62)

وشباب المدونين كلهم عدوا على السجن واتوضبوا واوسخ منهم الاخوان طلع عين اهاليهم يا عيني تعذيب وحبس ونفي وحاجة تفوق الوصف يندى لها الجبين

اللي يدخل حبس اسبوعين ميحصلوش فيهم حاجة ويطلع بالمنظر ده يبقى بني ادم مدلع لا اكتر ولا اقل....البني ادم الطبيعي يطلع متنرفز مش طايق نفسه بيشتم ويلعن في الحكومه ويا اما يقرر انها مش مستاهله عشان مفيش امل يا اما يزداد عناد ويكمل المسيرة اللي بداها هو بنفسه

لكن اللي يبيع نفسه كده ببلاش ده بني ادم معندوش شخصيه ولا كرامة... بني ادم جبان زي غالبية الشعب

ده الحكم الموضوعي...ده مش عتاب للبنت ولا حساب ليها ولا تفرق هي معايا ... ده ببساطة الواقع ... طبعا الواقع ده محكوم بحاجات كتير من اولها الحكومه نفسها اللي كانت السبب في خروج اجيال معدومه الشخصيه بالمنظر ده