أخي الحبيب مارين:

بما أنك مصري مثلي ولست أردني مثلا أو فلسطيني قد تضرر من المصريين فاشتم براحتك وفش خلقك متل ما بيقولوا. من المهم جداً التنفيس وتكلم براحتك معي. لا ألومك يا عزيزي. أنا كنت ساكن في دير الملاك وكنت مقيم مع مجموعة من الأطباء وفوجئت واحد منهم اسكندراني بدأ يشتم ويقول "البلد بقت مزبلة" قعدت أضحك وتعاطفت معه. من حقه. في اليوم ده منطقة دير الملاك انفجرت فيها المجاري بشكل بشع وتمشي في الشارع وريحة المجاري في كل مكان والبنطلون نفسه اتعاص من المجاري والواحد كان يقول ربنا يتوب علينا من القرف ده بس إمتى.. وجيت أميركا ونقول: فين أيام مصر؟ هو احنا هنا بنعمل إيه؟ وإيه اللي خلانا نسيب مصر؟ صحيح أن مافيش مجاري هنا زي دير الملاك ولكن الناس في انغلاق تام على ذواتها ولو حد عزمك عنده في البيت مفروض تنكتب في التاريخ.

فعشان كدة اتكلم معي براحتك. بس لعلمك يا مارين: مافيش راحة في مكان ما بالكامل. مش هاقول لك الراحة في الآخرة لأن حتى الآخرة ما فيهاش راحة ههههههههههه هاياخدك عنده في الآخر ويقول لك: مش أعطيتك الجنة؟ سبح لي بقة للأبد! وكع من كيعانك يا ريس ههههههههه.

أتمنى لك السعادة في الحياة بشكل أو بآخر ولنغنم اللحظة. أرجو أن تعتبرني أخ ولو في أي شيء أقدر أعمله أنا خدامك والناس لبعضيها. على الأقل نخفف عن بعض. نهارك أو مساك فل وعمبر.