صباح سعيد أتماكا افندي :D

طيب انا راضي ذمتك ، وعارف انك كما قلت تروح تمارس بعض تمرينات اليوجا على الطريقة المصرية كرياضة عشان تريح العضمات ، اليوجا اللي بجد مش هتلاقي حد بيعمل تمارينها صح هنا ، من سنة كان فيه في المركز الهندي ست هندية وست انجليزية هما اللي بيعلموا التمرين وكان الشغل حلو هناك مش عارف الان ايه اخبارهم يمكن المصريين قالولهم ان اليوجا ممارسة شركية والعياذ بالله فقضوها دلع وحرك ايدك ورجلك تاكل ملبن
واحد يمارس اليوجا اللي تساعد على الهدوء يسمع محمد حسين يعقوب ازاي ، ده صويته بس يجيب صداع
بالنسبة ليعقوب وياريت تكون موضوعي وحده سألته ياشيخنا انا جاتلي جلبية صفرا ألبسها ؟ قالها : عليكِ بالسواد ، أختااااه (بالمد كده) عليكِ بالسواد ، ولما لقي العملية يمكن تتبحبح قالها وممكن الكحلي بس يكون غامق ، أو البني الغامق ، يعني يبقى طبيخ غامق ولبس غامق طبعا تحت بند : سد الذرائع !!
واحد زي يعقوب تربية المعتمدية وشارع ناهيا عاوزه لما يبقى شيخ يعمل ايه مهو لازم يزنق ع الناس اصلك متعرفش النسوان بتعمل ايه في بولاق ، خلي الناس تسترزق
طبعًا ما أعرفه عن يعقوب لو حكيته الناس هتسب بالدين فبكفايه
بخصوص حسان مثلا احنا عايشين في مصر واللا السعودية ؟!
في مصر ، طب ليه كان بيدعي لخادم الحرمين في خطبه ايام مكان فهد مش عارف لما انقلب الفهد ومسك الديب لسه بيدعي ولا لأ ، حسان ده قصه لوحده ؟!
أريحك
قناة الناس لتدمير الناس المصريين ، ويجي معاها الحكمة بتاع الحويني وشلته ، وكمان روتانا مش هتقدر تغمض عينيك او مولدى افلام تتحدى الملل بتاعت الواد التخين ده ،
الإعلام العربي من الآخر شخاااااخ :roll:ديني أو فني ...

تعرف كلمة :
مصر بتعاني يا ريس
افرجوا عن مصر يا ريس
أقولها أولاً للمشايخ مش للريس ، وبكفاية كده هوستنا بقى ، خلوا مصر ترجع زي مكانت ، ويبقى فيه حاجه اسمها علم ، وفن .. وترجع الناس تقول سيدنا الحسين دعاني يا سيد فلبيته ، راحت المقدر حصل ..