Array
انا ملاحظه يا رائف انك متحامل اوى على اى زميل يعترض على رجوع بيتوفل

مع انى متأكده من حسن نيتك وحبك لبيوتفل وانك لا ترضى بان اى عضو يسخر منه وهو غائب

بس انت كده بتكبر الموضوع وبتشيل النفوس من بعض لان من وجهة نظرك انهم بيسخرو منه او شمتانين

و صدقنى ده مش حقيقى كل واحد بيعبر بطريقته واكيد الموضوع مش مستاهل شماته ولا دياولو

كمان بيوتفل لما يرجع اكيد هيشيل من بعض الزملاء اللى انت بتعلق على ردودهم بأنهم شمتانين

يعنى مثلا فى توقيعك ضايف اقتباس لزميل اول شىء يخطر فى عقل من يقرأه

ان هذا العضو انسان لا يحترم النادى ولا زملائه

متهيألى ملوش لازمه انك تزيد من حدة الموقف

واحب اكرر تانى انى واثقه من حسن نيتك

اتمنى انك ماتزعلش من كلامى انا بس حبيت الفت نظرك لشىء انت مش واخد بالك منه

وخد الورده دى :redrose:
[/quote]

سيسبان قبل أي حاجة خدي إنتي جنينة الورد دي :
:redrose::redrose::redrose::redrose::redrose:
عايز أقولك إني مكنتش متوقع منك تصرفك الجميل اللي شفته بعد المشكلة اللي حصلت , ودلوقتي حاسس إنك من الناس الكويسة اللي عرفتهم في النادي هنا ومن أصحاب الشخصيات الجميلة زي بيوتفل مايند وبهجت وغيرهم كتير كتير هنا .
في الأول هتستغربي لو تعرفي إني مليش أي علاقة تقريبًا بمايند غير قراءتي لمواضيعه , ومرة واحدة بس بعتله رسالة خاصة كنت بسلم عليه فيها و وعمري ما دخلت موضوع من مواضيعه واشتركت معه في مناقشة أحد أو الهجوم على أحد ولم يسبق لي اتخاذ دور المحامي عنه , حتى بعد المشكلة دي ما حصلت معرفتش أكلمه ولا أتواصل معاه بأي طريقة .
أنا مش متحامل على حد ولو تلاحظي إن كل اللي بعمله إني أقوم بالرد , فقط الرد في المواضيع التي تحدثت عن الزميل , حدث هجوم وسخرية وشماتة وسباب كل هذا ضد زميل غائب وممن ؟ من الذين لاموا عليه تصرفه , لم أستطع أن أصمت ومع ذلك التزمت في ردودي الأدب مع أن بعض الردود تضمنت إهانة للزميل ولي أنا أيضًا , انت أخطأت ومايند أخطأ والطوفان الأخضر أخطأ , هناك من اعترف بخطئه وتسامح مع الآخر فاحتضنته القلوب هنا , وهناك من أصر على موقفه دون اقتناع بأنه أخطأ من الأساس , وهذا ما قصدته في رد سابق بأن النادي هنا يعطينا الفرصة بأن نكون بشرًا ولا يطالبنا ان نكون ملائكة أو منافقين , نخطئ ونندم ونتعلم من أخطائنا , ونتعامل أيضًا مع من معنا على هذا الأساس .
هل تعتقدي أن ردودي ممكن تشيل النفوس من بعض ؟ الردود موجودة لكل اللي عايز يقرأها وكل واحد حر باستنتاجاته اللي هيخرج بيها منها , ولكن ليس ردي هو السبب بقدر ما هو بداية البعض بالتجريح والشماتة ومحاولة التخلص من الأصوات التي تزعجهم وتقلق راحة بالهم , وبعدين من ناحية مايند فلا أظن أن من كان مثله ممكن يشيل من حد لأنه عقله كبير ومش صغير .
هل تعتقدي أني هنا شايل من حد أو متضايق ؟ لا , انا مؤمن إن كل واحد له تفكير معين نتيجة ظروف معينة , وبعدين مجرد اشتراك أي حد هنا في النادي في رأيي واستمراره فيه مع تنوع النادي ومساحة الحرية به فلا بد أن يكون مختلفًا بعض الشيء ـ مهما بدا متعصبًا ـ عن غيره من الذين يرفضون مطلقًا التعرض لأي فكر يخالفهم , أنا مثلاً هنا أجد نفسي أكثر مما اجدها بمنتدى اللادينيين العرب رغم انني لا ديني لأن هنا تنوع واختلاف وأصوات متنوعة .
ما وضعته في توقيعي بخصوص الزميل الطوفان الأخضر هو بمثابة تظاهرة سلمية أعلن فيها أن هذا الزميل قد أخطأ في حق الآخرين أيضًا بصفة شخصية ومع ذلك لم يعاقب مثلما عوقب زميلنا مايند , أنا لا أسيء لأحد وإنما كل إنسان وحده هو من يمكن أن يسيء إلى نفسه .