غاندي لو كان ظهر من ميتين سنه كان اتدبح هو واتباعه واصحابه واهله واللي يتشددله واتعلقوا على الاشجار....انا احترم غاندي جدا ولكن غاندي مرتبط بزمانه ونجح لانه استخدم معطيات زمانه... ضغط على الانجليز باللي يوجعهم الا وهو الفلوس لان الهند بالنسبالهم مستعمرة

يعني اقربها بمثال لو شوية مزارعين عند اقطاعي من العصور الوسطى ثاروا عليه كان دبحهم هم واللي يتشددلهم لكن لو عمال شغالين في مصنع الان مش حيحتاجوا يثوروا عشان يضغطوا عليه ....الاضراب السلمي حيكون انجح حل

يعني حل غاندي ده حل مرتبط بفترة زمنيه وبظروف وبتقدم البشر في مجال مقاومات مراكز السلطه والقوة....بالمناسبة هل تعرف ان غاندي كان عنصري يكره السود وكان يحرض عليهم وهو في جنوب افريقيا؟

*****
بالنسبة لموضوع ان المسلم ميقدرش يعاير الملحد زي ما بيعاير الملحد المسلم فده موضوع مش تمام لان اصلا الملحد لم يقدم بديل
مفيش تجربه الحاديه ناضجه حتى الان ... مفيش غير التجربه السوفيتيه ... ايه رايك تحب تستخدمها؟ تحب اعدلك كام مليون اتدبحوا في الغولاغ
المشكله ان موضة الانسانية والالحاد هذه لم يتم اختبارها مطلقا ولا امل لها....يا اخي حتى شوف منتدى الملحدين عند اول نقطه خلاف اتقسموا يساريين ونيوليبرال وقاعدين يشرشحوا لبعض واحد يقول انتم صهاينه والتاني يقول انتم بهايم....الله هم مش تخلصوا من الاديان ازاي لسه عندهم نفس المشاكل؟ سبحان الله


*****

محمد قاوم فعلا بطريقه غاندي لمدة تلاتاشر سنه يا صديقي....بعديها ارسى دعائم الدوله بالكفاح ضد كل من حاربوه ... هل تابعت ليه كانوا بيحاربوه .... هل شفت رفضهم لدفاعه عن الفقراء ... انت لم تقرا سيرة محمد اطلاقا وهذا لا يجوز وتطلب وتتوقع من سيرته المستحيل....لو كنت انت في زمن محمد لكنت متزوجا من عشرة تملك عشرات العبيد تقتل بناتك خوفا من النحس

مارايك ان تقرا كتاب مبسط جدا جدا في سيرة محمد وهو كتاب كارين ارمسترونج.....ست كانت راهبة سابقة ثم تركت كل الاديان .... ايه رايك اعتقد فوق الشبهات؟ لا هي مسلمة ولا قابضه

*****

قرات الكثير في الدفاع المستميت عن هيجل ونيتشه وغيرهم عندما تظهر مساوئ عصرهم في كتاباتهم كالعنصريه الشديدة تجاه السود مثلا او احتقار النساء....نيتشه كان يقول اذا دخلت على المراه فلا تنسى السياط (الكرباج يعني)....لا تجد شارحا لهؤلاء الفلاسفه يلومهم مثلا .... لا تجد احد عابدي داروين يلومه على عنصريته الشديده مثلا....لماذا؟