Arrayإنت لخبطتني يا نيوترال بكلامك دا , يعني أقرأ النشرة ولا لأ بعد كده ؟[/quote]

أنا عن نفسى بنفسن من العيان اللى بيعمل نفسه ناصح ويقرأ النشرة ليس لأى سبب ولكن لأنه بالفعل سيقرأ مصطلحات وأسماء هو لايعلم عنها أى شئ ويصدع دماغك وعامة النظام فى أمريكا مختلف عن مصر ففى أمريكا مفيش حاجة إسمها تروح تشترى علبة دوا ولكن الروشتة بيكون محدد فيها عدد الأقراص أو الكبسولات ولما تديها للصيدلى بيجيب برطمان كبير به هذا الدواء ويعطيك العدد المحدد فى الروشتة فى علبة صغيرة ويقوم بلصق بياناتك الشخصية وإسم الدواء وجرعته على العلبة بواسطة الكومبيوتر ثم يقوم بلصق بعض الإستيكرات التحذيرية المهمة مثل تناول الدواء قبل أو بعد الأكل والأعراض الجانبية الشهيرة والشائعة وبالهنا والشفا ونشرة الدواء لايحصل عليها المريض لأنها بتكون نسخة واحدة مع العبوة الكبيرة وتلك الإستيكرز التى يلصقها الصيدلى على علبة الدواء هى كل مايحتاج المريض لمعرفته أما لو قرأت النشرة فعلاوة على أنك لن تفهم معظمها فغالبا ستصيبك بالهلع لأن شركات الأدوية بتحاول تأمين نفسها بالنسبة للأعراض الجانبية فبتذكر الشائع والمحتمل والنادر والنادر جدا!

أنت لو قرأت أى نشرة خاصة بالكورتيزون ستعتقد أن هذا سم وليس دواء من كثرة وبشاعة أعراضه الجانبية وبعضها يصل لدرجة psychosis يعنى بالبلدى تتجنن!! ومع ذلك هناك ملايين عايشين عليه ولايستغنوا عنه

الأمبيسلين البرئ اللى الناس عمالة تبلبع فيه زى البونبونى ممكن فى لحظة يتسبب فى فشل كلوى وهكذا أدوية الصداع والمسكنات!

الموضوع معقد وشائك وأسلم حل أن تعرف مايهمك فقط كالجرعة وأسلوب الإستخدام والأعراض الجانبية الشائعة من الدكتور نفسه وبعد كده كل مايعنيك هو هل حدث تحسن أم لا أما النشرة فستدخلك فى متاهات ولن تفيدك كثيرا.