Array
انا شفت احمد شفيق بيضرب ممرضه بالشلوت

هو انا طفشت من شويه.......لما تكلم رئيس القسم على ميزانية البحوث ويرد عليك يقلك انت مش بتدي مجاميع ليه (المجموعات على عكس الدروس دخلها بيوصل لاساتذه القسم والعميد وشلة الانس كلها) يبقى دي بلد لمؤاخذه ممكن تبحث في مناخيرها لكن بحث علمي وكلام فاضي من ده عيب .... عيب والله ... انا بفكر ارفع قضيه سب وقذف على وزارة "البحث العلمي" ... قال وزارة البحث العلمي قال... وبدون كسوف وبوش مكشوف ... ياخي احههههههههههه ... من جوة قلبي والله ... وبعد كده يجي واحد يقلي عصر الفضاء والنووي ويزعلوا لما اشخر ساعتها !! طيب والله انا معذور

نخش على كليات الهندسة -لمؤاخذه يا معلم على التحويدة دي- نلاقي ان الحكومات لقت الحل الامثل لامتصاص طاقات الشباب في انها تفتح زبليون كلية هندسة في كل مكان عشان كل جحش متخرج مما يطلق عليه مجازا مدرسة بدل ما يصيع في الشوارع يخشله كليه ويبقى فجاه بقدرة قادر اتحول من الواد حوده للباشمهندس محمود وهكذا ولدت كليه هندسة جامعة المظلات وجامعة الاسعاف وجامعة روض الفرج-دي تخصصات دقيقه فقط- وبكده حصل التوازن الحكومي العبقري بين البهايم اللي غشت في ثانويه عامه ودخلو هندسة والبهايم اللي غشوا غلط ودخلو تجارة (للاستزادة في موضوع ما يسمى بالمدارس راجع تعليق احد طلبه ثانوي محتجا بعنف على امتحان التفاضل انه مندهش كيف يكون امتحان رياضيات كله رموز وبدون ارقام!!!!)

طبعا كلام نيوترال على استخدام كتب الدكاترة حاجه مشرفه بالنسبة لهندسه حيث تلاشى مفهوم الكتاب (المتلاشي اصلا من زماااان) ولجا الطلبه البهايم لحل عبقري اسمه مذكرات المعيدين .... يبقى معيد حقير ابن كلب معملش اي حاجه في حياتة غير انه تخلى عن حياته كانسان وقرر انه يعيش حياته ككرسي (بس كرسي متحرك) حيث يعيش حياته قاعد على مكتب لا يفعل اي شئ سو حفظ كل كحه تلفظ بها الدكتور المغفل (اللي كان كرسي متحرك برضه في احد مراحل حياته) ويكتب بكل همه ونشاط مش مهم انه مش فاهم او ان في اخطاء في كلام البهيمه اللي بتشخ على السبورة ثم يحفظ اسئلة امتحانات السنين السابقة ويخش الامتحان يطرش الكلام اللي هو حافظه بالترتيب ... المهم ياتي هذا المعيد المتخلف ليبتدي بقى رحلة جني ثمار حياته السابقة ككرسي فيبتدي في ترتيب مجاميع الدروس اللي حيديها للبهايم اللي بيتبزوا اهلهم البهايم برضه عشان يدفعوا فلوس رحلة الخليج في تعليم اسم النبي حارسة وتدور هذه الدروس حول مفهوم واحد فقط لا يتغير الا وهو ازاي نحل الامتحان وبكده يتحول الامتحان من وسيلة لغاية كبرى تفوق كل الغايات

العملية طبعا بتوصل لان المعيد يكتب للطلبه -وبالعربي- كلام زي سيبك من الحته دي ... نفض لام المعادلة دي ... المعادلة دي مهمه موت احفظها زي اسمك ... الخ ... شئ يقلب البطن

وياسلام بقى لما تخش على المعيدين وهم بيتخانقوا على تقسيمة الدروس مابينهم او تلاقي الكلية بتخطط بقوة لجذب الطلبه للمجاميع عشان عايزين نتجوز يا رجاله .... وكله كوم واحساس المعيد من دول بان يد الله شخصيا وضعته في مكانة وانه هو المهدي المنتظر الذي اختارته العناية الالهيه ليبقى سياااااادة المعيد الذي عينتة الكليه ... ناهيك عن تخلف وهبل وسخافه وعبط وحقارة فكرة ان تكون هذه الوظيفه محصور على فئة معينة دونا عن غيرها وتبقى حق مكتسب .... يعني حتى لو انت بني ادم ابن كلب محدش بيفهم منك اي كلمة لكن بما انك جبت مجموع يبقى من حقك الالهي الذي كفله لك عبد الناصر افندي ابو شخه انك تبقى معيييد قد الدنيا (اوسخ وظيفة في باقي العالم المتحرم وكلنا بنشغلها اثناء الدراسات العليا فقط لتوفير المال الكافي للصرف على مصاريف الكليه)

نرجع للدروس ... انا كنت اعرف واحد بيدي دروس من الساعه 3 الضهر للساعة 12 بالليل كل يوم في الاسبوع كل اسبوع من اسابيع الترم الملعون ... الدرس ساعة ونص (بيمشي بدري عشان يلحق الدرس اللي بعده)....يعني حوالي 40 مجموعه كل مجموعه خمس او ست طلبه كل طالب بيدفع في الترم من 800 لالف جنيه .... ايوا عايز كل واحد فيكم يحسبها ويضربها في دماغه ويحقد ويحسد براحته يمكن يتشل الواد ده وتتخلص مصر من واحد من مدمري الجيل

ممكن اكمل لو افتكرت حاجه تانيه من الذكريات السوداء الوسخه
[/quote]

A7mad : اسمح لي أإن أحييك على هذه المشاركة الرائعة .
neutral : اللي خلف مماتش .