في الحياة مع الله وخدمة الإنجيل لا يلزمك العقل والكلام ده كله في شيء. ده كله تسالي عصاري. ما يلزمك هو شيء واحد فقط وهو أن تحبب الرب إلهك من كل قلبك ونفسك وفكرك وقدرتك. ناخد هذا الحب ونترجمه لفعل.."محبة من كل قدرتك"... مجهودك وتسخيره في خدمة الناس. والعملية زي ما قلت لك مش بكتر القراية ولا الدراسة ولكن بالحب لأنه قال "يابني أعطني قلبك". هو مش عايز دراساتنا والحاجات دي. هو عايز قلبنا بس يا قطقط. الدراسات والصداع ده كله موال وخدمة ربنا موال تاني خالص. محبة باذلة تتسلمها مباشرة من الرب وتعلنها للناس بصور مختلفة هي كل المطلوب. سيبك من جدل المنتديات وفلان قال وفلان عاد.... أنا باجي هنا عشان مافيش أصحاب عرب في منطقتي ومش عايز أنسى العربي. لكن لما ييجي الجد ولما نخدم مش يلزمني لا دراسة ولا يحزنون.. نخدم بالحب وبالحب نكرز. لو تحب تراسلني لأي سبب وأقدر أعمل أي حاجة، أنا خدامك. أكيد معك إيميلي وحسب راحتك الشخصية. واحضر اجتماعات الترنيم وهذا الامتلاء يطرد أي برجلة "المسحة تبطل وتتلف النير". أنت في صلاتي يا عزيزي. الرب هو أعظم زوج لنا وهو اللي قال: بنو المستوحشة أكثر من بني ذات البعل. وفي وقته يسرع به؛ وتوقيت الرب أجمل من أي شيء، وجعل كل شيء في وقته جميلاً. آمين؟ راسلني لو تحب.