Array المسيح غلب بالمكتوب ، وقال لهذا تضلون إذ لاتعرفون الكتب ولاقوة الل[/quote]

يا قطقط:

المسيح كان بيخاطب اليهود المعاندين والمكابرين في حديثهم معه واللي كانوا متشبثين برأيهم فقال لهم إنهم ما يعرفوش الكتب وكلمة الكتب هي ترجمة بصراحة غير دقيقة والمقصود "الأسفار المقدسة" والكلمة العبرية هي "كتوبيم" Ketuvim. ورد عليهم في مناسبة تانية وقال حاجة زي أنهم نسيوا أن الكتب هي اللي تشهد ليه.. هما حاطين مناخيرهم في السما وقال لهم واحدة واحدة عايزين ترجعوا للكتب ارجعوا ليها وهي اللي بتشهد لي وطبعا هو يقصد زي ما أنت عارف موضوع "النبوءات".

يعني المسيح يا عزيزي قطقط مش كان بيتكلم عن "حشو معرفي" وزي ما أنت عارف الحشو المعرفي ممكن يكون ليس إلا "نحاس يطن وصاج يرن".

عشان تبني نفسك صح عندك الرب على بعضه. الرب يبني البيت يا قطقط، أفراد وجماعات، الرب يبني كنيسته. الرب هو اللي يبنينا بنفسه وعندك الإنجيل وعندك الشروح والموضوع بسيط ومش عايز تعقيد. المطلوب هو بساطة المسيح واللي يقابلها النقيض وهو مكر الحية القديمة.

كلام الله مش حشو معرفي يا قطقط.. كلام الله بسيط جداً. لو الكلمة ابن الله دخل جواك وتغلغل في كل كيانك وعشت بيه فهذا يكفيك. عندك تأملات أبونا متى المسكين وتفاسير ناس زي كدة اسرح بيها.. غير كدة الموضوع مش بالصعوبة دي. لما أنا أوعظ في الناس يا قطقط لا أكلمهم عن الفلسفة والبطيخ ولكن أكلمهم عن خبرة الإيمان.. الرب اللي بنعيش معه، اللي اختبرناه، الذي نحبه وإنْ لم نره زي ما بيقول في رسالة بطرس.

المسيح معك. سيبك من التفكير الكتير وارمي كل حمولك على الرب.