- 191

حبيبى لقى طريق
الله يسلم طريقه
ويلاقى حبيبه وصديقه
ويسعد والله يفك ضيقه
ويسلّك اللى فى الحب غريقه
وكل شىء يهدأ وتنطفى الحريقة

------------------------

- 192

حبيبى عصفور طار
لجنة الأغيار
وكل الناس أحرار
ولهم أسرار
بس الآخرة تفرق
بين جنة ونار

------------------------

- 193

حبيبى ياقمر الزمان
أنت للحب عنوان
وأنت واحة الإنسان
وأنت مجتهد فنان
وأنت رقيق الحنان

-----------------------

- 194

حبيبى طار
ومع الغير سار
الله يوفقه
ودايماً يكون مسرور
ويكون بالفرح مغمور
ويكون شاكر ومشكور

----------------------

- 195

حبيبى طار
الله معاه
ودايماً تصفى سماه
ويعمل ما فى هواه

---------------------

- 196

حبيبى طار
وكل شىء قسمة ونصيب
إذا كان أرض أو سما أو حبيب
المهم عمل الإنسان
إذا كان أنانى
أو قارورة طيب
وإذا كان مرض
أو كان شافى وطبيب

-----------------------

- 197

إجرى جرى الوحوش
غير رزقك لن تحوش
ولو تسعى من غير نور
سعيك يطلع فشوش
لو تسعى ورا السراب
تلاقى نفسك مغشوش

-----------------------

- 198

ياللى سايب السماء
وبتجرى فى الأرض
تفارقك الصحة
ويجيلك المرض

----------------------

- 199

ياعم ولاتزعل
تعيش وتأخذ غيرها
أو تعيش لوحدك
أو خيرها فى غيرها
مش مهم الحياة
المهم إيه تجمع منها
فى أبديتك تعيش
والأرض لازم تغادرها

--------------------

- 200

إشرب كاس ألم
وكل شىء قسمة
إصبر على التجربة
حتى تغادرها
يوم حلو ويوم مر
إصبر على تصاريفها
كل شىء موقوت
والوقت ييجى عشان تغادرها

-----------------------

- 201

فارق دلوقتى
أحسن من بكره
إستغل الوقت
لخدمة ذو القدرة
وصلى وصوم وإعبد
تتكتبلك ذكرى

-----------------------

- 202

ياآما فى الحياة قصص
مذكورة فى الموال
عن حسن ونعيمة
ذات الورد والخلخال
وعن عشق وغرام
سببوا البلبال
وعن حب شديد
جاب الآجال
أو عن ناس
ضاع منهم الوقت والمال
أو عن جبال عالية
ثم تدكدت الجبال
الحياة قصص وألوان
ومين يعرف فين يكون المآل ؟