منتهى الغباء و التخلف
لو فاطمة هربت مع محمد هيبقى تمام
لو مارينا هربت مع مايكل يبقى 100 100
لكن فاطمة مع مايكل و مارينا مع محمد تبقى مصيبة و فتنة طائفية
ماجالناش من ورا التدين الا التعصب و الطائفية طيب عايزة اسأل سؤال يعنى هو ربنا تفتكروا عايز كده؟؟؟؟؟؟
عايز الناس تموت بعضها و علشان مجرد معتقدات هو اصلا اللى المفروض حاطتها؟؟؟؟؟؟ المفروض بقى يعنى المسيحيين مثلا غلط وربنا سايبهم غلط عادى يعنى و لو المسلمين غلط سايبهم عادى يعنى مش عايز يقول لحد هو غلط مش بيزعل حد او اقولكم الاحلى سا يبهم براحتهم و الحساب يجمع:barfy:
بجد خلاص كل واحد يخليه فى نفسه و المؤمن يبقى ايمانه فى قلبه بدل ما يترجمه لتعصب و تطرف و فتنة طائفية يترجمه لسلوك و حياة و لا هو فعلا الدين ما بيجيش من وراه غير وجع القلب؟
المشكلة مش مسلم و مسيحى بس شوفوا الفتنة الطائفية فى اى دولة حتى مسلمة و ما فيهاش مسيحيين ايه اللى بيحصل فى الطوائف المختلفة
و حتى المسيحيين كل طايفة بتتخانق مين هى كنيسة الله و متهيالى ما حدش نسى تصريحات بابا الفاتيكان السنة اللى فاتت
يعنى حتى ابناء الدين الواحد عندهم فتنة طائفية:D:
كفى استخفاف بالعقول
قبل ان تفكر هل انت مسلم هل انت مسيحى هل انت قبطى هل انت كاتوليكى هل انت سنى هل انت شيعى تذكر انك انسان فكر فى انسانيتك و واجبك تجاهها و بدلا من الدفاع عن غيبيات لمجرد التعصب الأعمى وفر طاقتك لبناء المجتمع.