فعلا..... انا لا اعد كبيرة يعنى انا من مواليد 1985 لكن بمقارنة ايام طفولتى بالاطفال حاليا فشتان بينهما يعنى كنت باخد الاجازة يكون همى الاول الرسم و التلوين وكنت ببعتها لبرامج التليفزيون:)
كان اليوم فى الصيف بيبدا بالطريقة دى الفطار ادام توم اند جيرى على القناة التانية
و بعدين تلوين و رسم
بعد كده اللعب مع اصحابى كنا بنألف قصص و نمثلها :)
وكانت الالعاب متنوعة جدا اللعب بالعرايس و المطبخ البلاستيك:) و الحيوانات و المكعبات و ال puzzle
كانت العاب بتنمى الخيال و الفكر
حتى برامج الاطفال انا فاكرة كان ليها اهداف تربوية زى برنامج ماما نجوى و بقلظ كان بيدور حول الطفل المشاغب و ازاى المفروض يتصرف
و برنامج كرنبة :) و برنامج عروستى مع ماما سامية شرابى
دلوقتى افتقد التليفزيون النوع ده من البرامج
الاطفال 24 ساعة ادام التليفزيون و الافلام الكرتون اللى بتيجى فى الفضائيات و انا ملاحظة ان كلها بيعلمهم العنف
انا بحب الاطفال جدا و فى مرة كنت بلعب مع ابن خال ماما و انا متعودة العب العاب الاطفال الكلاسيكية اتفاجئت بيه بيقفز قفزات مفاجئة و يقولى i'm spider man:25::25:
و انا الديناصور مش عارفة مين و انا بقتلك دلوقتى موتى<_<
كمان لاحظت ان الاعلانات اللى بتعتمد على الاطقال مش تربوية بالمرة
و فعلا ان برامج الاطفال تكون متاحة فترة 24 ساعة ده بيوقف عندهم الخيال و يكتم مواهبهم لانه من الاساس مش هيلاقوا وقت يكتشفوا فيه نفسهم