Arrayانا ماعرفش سندويتشات بركة [/quote]


ماهو المشكلة إنى أنا نفسى مش عارف السندوتشات دى كان فيها إيه!

بركة هذا هو المعادل الموضوعى لشاكر بتاع مصر الجديدة بتاع سندوتشات الكفتة المصنوعة من لحم الكلاب والقطط لكن فى شبرا.
بركة هذا كان راجل عجوز واقف بعربية ناحية محطة الأتوبيس بتاعة منية السيرج بشارع شبرا فى خبرنق بين عمارتين وتروحى الساعة 3 الصبح تلاقى طوابير ولاطوابير الجمعية والساندوتشات فى الغالب كانت ساندوتشات بها رز مفلفل مخلوط بأشياء غريبة غالبا كبده وكلاوى وحاجات من بتاعة المسمط ومع كل ساندوتش يقوم بركةمشكورا بصرف عدد واحد صواريخ للضحية والصواريخ عبارة عن سلطة خضراء عليها كميات هائلة من الشطة وطبعا اللى بياكل الساندوتش ومعاه الصواريخ مبيبقاش حاسس هو بياكل إيه من كتر الشطة هذا بالإضافة إلى أن معظم الزبائن بيبقوا ضاربين بانجو وعايزين ياكلوا أى حاجة والسلام فلم يتمكن أحد من فك شفرة تلك الساندوتشات وغالبا بركة مات وإندفن سره معاه.


أنا بالفعل أجريت تجارب عديدة لمحاكاة تلك السندوتشات وبالفعل نجحت فى صناعة صواريخ مطابقة لمواصفات بركة لكن الساندوتش نفسه لم أتمكن من صنعه.