- 301

حبيبى يامصباح الهوى
ربنا جمّعنا سوا
بعد ما الحب نضج وإستوى
وبعد ما كان القلب نام وعمى
لكن فجأة شاف النور
قام صحى وقوى
ربك يكرمك ياحبيبى
وتتفضل وتنعم

--------------------------------

- 302

القلب صحى والعين فتّحت
بعد النوم والعمى
وعشت فى الأرض
وفجأة طلعت السما
شوفت عوالم جديدة
من المحبة والإندماج
وشفت إمرأة جميلة
لابسة جواهر وتاج

-------------------------------

- 303

حبيبى خلى ليلى نهار
وخلى مشاعرى أنهار *
وتعبت وقربت أنهار **
بس شوفت ورود وأزهار
وشفت قلوب بيضاء
وشفت عطور فى الهواء
وشفت جمال الإنسان
اللى يظهر إحسان الإله
وسلامات

* جمع نهر
** أى أسقط

--------------------------------

- 304

حبيبى بستان أفراح
حرك كل القوافى
بيقدم الشوق والفرح الكافى
وبيقدم الغرام والقلب الدافىء
من ساعة ماشوفته وأنا متعافى
وشوفت الغرام والحب الشافى
وقلبى يسلم عليه صبح ومساء ويقوله عوافى

--------------------------------

- 305

أنا شوفت وردة صافية
ربنا يعطيها العافية
بتوفر المزاج والمحبة الكافية
وتقدم الراحة واللمسة الشافية
وتملك قلبى وتملك الناصية
ويارب دايماً مبسوطة وراضية

---------------------------------

- 306

يارب إرضى حبيبى كله
وريح عمره كله
ودوب قلبه كله
وإرفع شأنه كله
وإرحم حالى كله
وإرحم عمرى وذله
لأن القلب مال له

--------------------------------

- 307

ياقلبى شوفتلك يومين
بعد ما كنت نايم
وكنت نعسان غفلان
بقيت صاحى وهايم
وكنت مرمى مهمل
بقيت واقف وقايم
وإبتديت تتحرك
وكنت عن الحب صايم
وكنت عمال تغرق
بقيت طافى وعايم
ونشكر ربنا

----------------------------

- 308

يانور جمالك ياحبيبى
وإنت م القلب قريب
وإنت العز والنصيب
وإنت الورد والطِيب
أحبك لغاية ماأشيب
وأدوب فى إيديك والدباديب
وأتحير فى جمالك العجيب
والقلب منك لهاليب

----------------------------

- 309

حبيب حياتى وحتى مماتى
وحتى عظامى وحتى وفاتى
أضحى بنفسى وأضحى بذاتى
وأظهر شوقى وأظهر آهاتى
وأقول إمتى حبيبى تهل وتأتى
وإنت حبيبى للدهر الآتى
وإنت النهر وإنت الشاطىء

-----------------------------

- 310

الورد ظهر فى الأرض
يزغرد جوه الصدر
بظهور الشخص الفرد
فى حجم زى المارد
يخلى العاشق عابد
ويخلى الخالى وادد