Arrayالسؤال الرابع ( طبعا عشان انا صاحبة الموضوع ليا سؤال فوق البيعه )

كم كتاب لديك فى مكتبتك ؟ اسمائهم ؟ واكثرهم متعه بالنسبةِ اليك؟[/quote]

اسألى كما تريدين يا سيس (f)

اسماء مين يا حاجه فتحية

انا الكتب عندى تقدر بببتاع 1000-2000 كتاب

امى بتتخانق معايا عشان اخد كتبى من عندها بدل ما هم زاحمين بيتها

مراتى بتتخانق معايا ان مافيش مكان لينا فى البيت و كراتين الكتب زاحمة الدنيا و عايزانى اخده المكتب

دا كله و انا مبطل اشترى كتب من بتاع 6 سنين الا فيما ندر لأنى عرفت طرق المكاتب الاكترونية على النت و بقيت انزل الكتب على الهادديسك و بقى عندى امكانية قراءة اى حاجة و كل حاجة اعوزها

اجمل كتاب فى غير تخصصى العلمى يعجبنى هو قصة الحضارة لوول ديورانت و اموت فى تولستوى و دان براون

قصة الحضارة سفر رائع تناول الحضارة الانسانية منذ فجر التاريخ حتى الثورة الفرنسية
اعتقد ان كتابا كهذا لا بد ان بيكون هو محور منهج التاريخ فى المدارس كما يجب ان تكون كتب فجر الاسلام و ضحى الاسلام لأحمد امين اساس الادب و اللغة فى مدارسنا ايضا
من يقول ان الاسلام لا يقبل التعددية تعرفى على طول انه لم يقرأ تاريخ الحضارة

تولستوى اديب رائع لا مثيل له و هو يكتب عن البشر يجعلك تحسين بهم من لحم و دم امامك حتى انك تتوقعين تصرفاتهم القادمه من فرط ما عرفتيهم
دان براون لا يكتب روايات بل ابحاثا علمية تجعلك تشعرين بالمتعة و اللذه

تان تان و كل قصصه هى ارثى الذى سأعطيه لابنائى تخيلى يا سيس انى جبت سلسلة دار المعارف اللى بالعربية و له قصص مطبوعة بالانجليزية فجبتها و له قصص مطبوعة بالفرنسية جبتها برضه رغم انى ما باعرفش فرنساوى اصلا و كل ما افضى اقعد افك خطها

جمهورية افلاطون من الكتب المحببة لدى رغم انى فى الفلسفة لست ضليعا و لا احبها اصلا بس استفدت منه فعلا
و بمناسبة افلسفة فانا لا احب الصوفية و لا افهمها حتى تعرفت الى صديق له فى المواضيع دى و جعلنى افهم بعض المبادئ فى ادبياتهم فقرأت الفتوحات المكية لأبن عربى و ذهلت اننى رغم انى اقرأه و لا افهم شيئا الا ان كلامه حلو و ما فهمته اعجبنى و حاليا اخذ دروس على يد زميلة لى ابوها احد الاقطاب الصوفيين فى شرح ابن عربى

الانجيل كمان يا سيس
به حكم و امثله فى منتهى الجمال اعجبنى فيه حاجات كتير دا كفايه قصة الرجل الذى لم يرحم الذين استدانوا منه و لم يقدروا على رد ديونهم فقال له السيد العظيم الذى كان يدينه ببعض المال كيف ارحمك و انت لم ترحم هؤلاء

احب الرياضة و الفزياء جدا و قرأت كثيرا عن النظرية النسبية حتى اننى صرت ضليعا بها و بقيت عارف ان فيه النظرية النسبية الخاصة و النسبية العامة (دا الى طلعت بيه من 3كتب احدهم لاينشتين نفسه و الاخر للدكتور مشرفه)
كنت استعير من مكتبة الجامعة كتب الفزياء و اقعد اذاكر الشغل و القدرة و احل مسائل و مراتى تقول لى مش حرام عليك تضيع وقتك فى الكلام ده هيفيدك بايه شوف حاجه تنفعك فى شغلك

هى معاها حق بس ده برضه بينفعنى فى شغلى لا يوجد شىء ينمى العقل مثل الرياضيات و الفزياء و دائما اقف مشدوها امام شخص يحمل Ph D فى الفزياء مثلا بأحس انهم كده زى نيوتن حبيبى