يا عم إبراهيم يا قاسي انت دايما تظلم المسيحيين بتوعنا كدا ، لو شفت أبونا عبد المسيح بسيط في حلقة العاشرة مساء أو في الحياة اليوم هتلاقي إنه كان في غاية الأدب و الهدوء و بعيد تماما عن التشنج ، قعد يناقش الراجل بأدب و احترام و قال إنه استفاد من الرواية على الأقل صديق جديد (يوسف زيدان يعني) إنه يطالب بقى بمنع أو مصادرة رواية شايفها مسيئة لجنسه أو دينه أو مشوهة لتاريخه بشكل هو شايفه ظالم أوخاطيء ف دا حقه طبعا مش هيختلف فيه عن أبرد قس سكوتلندي عايش في الصقيع ، و ماينفعش إننا نطالبه إن ينفض للرواية ، هو شايف إن دي رواية هتخدع عامة المسلمين و الأقباط اللي مش هيقدرو يتعمقو أكتر في البحث في المصادر التاريخية ، صحيح إن الوقائع التاريخية في الرواية ذكرها مؤرخين كتير منهم ول ديورانت في موسوعته بس الراجل شايف إن دول مؤرخين كانو منحازين ضد المسيحية ، ما هو التاريخ عمر ما كان له وجه واحد يا إبراهيم ولا ينفع تطلع منه حقيقة واحدة ، حتى تاريخنا المعاصر اللي ما فاتش عليه 50 سنة بس