والله يا بسمة فى فرق بين حكاية اللى اكبر منك , واللى ملهوش كبير يشترى له كبير .
فى مصر عندنا , مثلا لو حصل خلاف بين شابيين او حتى اثنين رجالة كبار . وأتدخل واحد بينهم .. الاصول والصح : أنك تكبر للى اتدخل ! لو ابوك كان واقف او اخوك الكبير وحكم بحاجة عليك , حتى وان ظلمك تسكت وتعاتبه بينك وبينهم . لأنك بكده هتكسب احترام الناس عشان احترمت اخوك .

فده لا علاقة له من قريب ولا من بعيد بحوار الكبير .

وبعدين فى الغالب الكبير بيفرض سلطته - من وجهة نظرى , على شخص ما لوش شخصية ! ولو انى مش بحب أشخص الردود كنت حكيت عن تجارب لى ولأصدقائى الرجالة , واحيانا بتكون رأى الكبير صح .. لأنك بتنسى ان خبرته اكبر فى الحياة , وانه جرب وشاف . هى الناس بطلت تحط ايديها فى الكهرباء ليه ؟

عشان لما لمسها اول مرة كهرباته

ومش عيب ابدا انك تتعلم من تجارب الاخريين , وانك تاخذ بكلامهم الى ان يثبت العكس ... ده أذكى الأذكياء , من يتعلم من تجارب الاخريين . لكن على ناحية اخرى , ده لا يجعلك انسان بلا راى , ليه لو ابوك او امك قالتك ده صح ؟

جرب تاخذ بكلمه , لو طلع صح ( كسبت مرتين ) , لو طلع غلط ( كسبت مرة واحدة , وهى الخبرة )




أنا معلق البنت على الماسنجر عشان خاطرك
يلا يا ستى (f)