أعتقد من البداية أن نتفق على تعريف المراة فى الألفية الجديدة , ليست المراة على زمن محمد او عيسى او موسي او اى زمن !
حال المرأة الان يختلف اختلاف كليا عن اللى بيتكلم عنه الزميل عاشق .

كمثال : مسالة شهادة المرأة بنصف شهادة الرجل ؟ لما كنا نسأل ليه ؟ كانوا بيقولوا لأن المراة لا تختلط بالرجال فى الأسواق وهى ترعى البيت - فهى لم تشهد شئ ! لكن دلوقتى ؟ السيدة دلوقتى بقت مديرة , دكتورة سواء فى الجامعة أو المستشفى . لم يتركوا مجال الا ودخلوه وأثبتوا أنهم كائنات عاقلة ..... فهل تكون شهادة الرجل مساوية للشهادة المرأة فى كل الأحوال ؟

سيبك من حكاية دى , انا بس بضرب مثال (f)


ما هو الزواج بالنسبة للمرأة ؟ المراة بتاعة القرن الواحد والعشرين - مش القرن السادس . تخيل معاى سيدة أعمال او محامية مع صاحبتها , فيسألوها مين دى ؟ قالتهم : دى مرأة جوزى ؟
أو العكس , مين ده ؟ ده جوز مراتى

تحس ان فى حاجة غلط

الان اصبح مسالة الزواج نفسها مسألة معقدة , وفيها تفاصيل وشكليات فارغة - بعيدة تماما عن جو الحب والرومانسية ! حتى اصبح الزواج الان مقبرة الحب الأبدى .. شوف نسبة الطلاق فى مصر نفسها كام ؟

حتى ان الزواج نفسه بقى معوق لشغلك /ـلها , الحياة بقت صعبة . وتحقيق تقدم فى مستقبلك المهنى , اهم الف مرة من واحدة عايزة تقعد فى البيت وتطلع عيال . لكن على الناحية الاخرى فى رغبات انسانية محتاجة للأشباع , لكن هل تشبعها عن طريق تدمير مستقبلك ؟ . الزواج نفسه بالنسبة للرجل او للمراة معوق , وعملية معوقة جدا . أنا لى اصحابى متجوزين , من اول سنة بقوا قاعدين على قهوة ..... ايه الشلل ده ؟

لهذا الغرب - بما انه مجتمع عملى , اخترعوا Friend with benefit , One night stand كوسيلة لتفريغ رغبات , لكن متكونش حاجز , يحجزهم عن تحقيق أحلامهم .

فانا اعتقد ان كان من البداية نتفق على مين اللى بنتكلم عليه ؟
هل بنتلكم عن السيدة فى مصر , ولا السيدة فى امريكا .... وسنة كام ؟

وبعدين يا عاشق , هى طائفة المرمون كام واحد فى امريكا ؟ واذا قبل بعض نساء أمريكا .........فبأى حق تعمم ؟

دلوقتى اصبح فى بدائل كثيرة للحجج بتاعة الزوجة تعبانة , اتجوز واحدة عليها ... اصبح عندنا تلقيح صناعى , وعلاج حديث , والقادم أحسن . فليه يستمر قهر المرأة بحجج , أقسم بزيوس , محدش بيأخذ بيها ؟ وهى فى النهاية غطاء غير أخلاقى , لواحد مكسوف يقول انه مفجوع ....

المتدييين بيحاولوا الدفاع عن الاسلام , بأعطاء تبريرات لناس بتستغل هذه التبريرات فى قهر نساء من حقهم أن يعيشوا حياة كريمة .


بس خلاص :D
(f)