Array
هههههههههههههه
يا حسن أنا أهه أمامك غير مسلم ولا أجرؤ حتى على شرب قطرة ماء أمام أي شخص في المجتمع من حولي , ولا حتى أولادي الصغار أو زوجتي التي تصيبها نوبات تدين ظاهري كل فترة , ولا أمام زملائي ولا حتى أقرب أصدقائي فما بالك بالناس في أي مكان حتى لو كان داخل عقر داري , هل تتخيل الأذى المادي والمعنوي الذي يمكن أن يحيق بي لو ضبطت متلبسًا مرة بالإفطار وعدم الالتزام بالصيام الذي أنا مطالب به لأنني فقط ورثت ديانة معينة من والدي رغم عدم اقتناعي بها ..
أرجو ألا تقول لي افطر بس بعيدًا عن الناس لاحترام مشاعرهم , فحتى لو لم أفطر أمامهم فلن أسلم من الأذى لو عرف أحدهم أني أفطرت في شهر رمضان , فأين الحرية الشخصية في ذلك ؟ حتى المسيحي لما بيحب يآكل في رمضان بيقابل بنظرات الإزدراء من المسلمين ويطالبه البعض باحترام مشاعر المسلمين المرهفة , مع إن المسلمين نفسهم لا يحترمون أي شيء في طقوس ديانة المسيحين ويعتبرونها كفر وضلال بل حتى لا يجوز للمسلم أن يهنئ زميله المسيحي بأي مناسبة دينية لديه حتى لو على سبيل المجاملة والذوق , فأي إزدواجية مجنونة تصيب عقول البعض ؟؟؟؟[/quote]

أهلا بيك يا رائف ، ليه الغيبة الطويلة دي
أنا قلتللك ان حرية الأكل العلني مكفولة لغير المسلمين ودة أمر واقع فعلا ويحدث في الجامعة ومن أصدقائي المسيحيين جهارا نهارا وأمامي وهما بيكلموني كمان
وزي ما بيقوللك كمان يجعله عامر ان الموضوع بلوظة واللي عايز ياكل في أي وقت هياكل
انت مشكلتك مشكلة تانية وهيا الغربة الدينية
انت مش قادر تعلن عن معتقدك لأن المجتمع العربي طبيعته كدة ودي مش قضية اسلام وبس
يعني مثلا المسيحي اللي أسلم وخايف من أهله نفسه يسجد في المسجد وبيحس بألم شديد وهوا بيقبل الصليب ، وايضا المسلم الذي تنصر بيشعر بمرارة وهوة بيسجد مع المسلمين ويصوم ويصلي على النبي غصب عنه وهوة بكرهه ونفسه يشعر بالراحة بالسجود أمام صليب المخلص يسوع ... دي مش مشكلة الحاد وبس ... دي أزمة مجتمع !!

الحل يكون بتغيير المجتمع بثورة ، يعني مثلا تقوم انتة وصحابك الملحدين اللي تعرفهم بتكوين جمعية سرية وتسموها "جمعية الإخوان الملحدين " وتعملوا مجلس قيادة ثورة زي الضباط الأحرار بقيادة البكباشي رائف وتنقلبوا على الحكم وتنزلوا بيان الثورة
"اجتازت مصر فترة عصيبة في تاريخها الأخير من سيطرة الفكر الإسلامي الجائر على عقول المصريين والإنقياد وراء التقاليد الدينية البالية وقد كان لكل هذه العوامل تأثير كبير على مصر وتسبب المسلمون في تخلفنا عن الركب الحضاري .
وأما فترة ما بعد أحداث 11 سبتمبر فقد تعالت صيحات المسلمين واصابهم برانويا شديدة أن الكل يتآمر عليهم وصارت نظرتهم الي مخالفيهم في العقيدة اما كافر أو فاسق أو ماجن وعلى ذلك فقد قمنا بتطهير أنفسنا وتولى أمرنا في البلد رجال نثق في قدرتهم وفي خلقهم وفي وطنيتهم ولا بد أن مصر كلها ستتلقى هذا الخبر بالابتهاج والترحيب."

صدقني يا رائف حتى بالثورات لن يتغير الحال وستظل تشعر بالغربة العقيدية في المجتمع
الحل الأن ان تسخر نفسك لإبعاد المسلمين عن دينهم ما استعطت ، تروح لصحابك وتقعد تشككهم في العقيدة ومين خلق ربنا والحجاب دة حجاب العقل وكدة يعني . لحد ما تبقى مصر كلها لادينية
وربنا يوفقك .

Array
إنت متأكد من الكلام دا يا ( دكتور ) حسن , يعني قدرة الجسم على العمل في الصيام زي الإفطار , يعني لو اتسحرت في نهاية الليل وبقيت 14 ساعة بدون أكل أو ماء هقدر أشتغل عادي ؟؟
[/quote]

الكبد بيخزن السكر ويطلعه عند الحاجة وبيكفي وزيادة وقدام عيني دلوقتي عمال صايمين وبيشيلوا اسمنت طالعين نازين بيبنوا في العمارة اللي قصادنا .
الصيام نفسه بيفيد الجسم ودلوقتي فيه نظام للعلاج بالتجويع fasting therapy أي نعم هما بيشربوا عصير طبيعي لكن بيمتنعوا عن الأكل تماما ، وحجة النظام دة ان الجسم بياخد راحة من التخلص من الفضلات ويعيد الى نفسه التوازن الطبيعي .
فيه أبحاث كتير عن علاج القولون العصبي بالصيام .

مساءك سكر