الجماعة المتابعين لحركة المرور بيتلككوا بصراحة ..

من حوالى شهر كنت بوصل واحد صديقى لمنزله فطلعنا على الدائرى .. فزميلى بيوصف لى طريق منزله فقال لى ادخل يمين وبعد ما دخلت قال لأ اسف نسيت شمال !! فطبعا برجع بالعربية عشان ادخل الطريق الاخر , فانا برجع والعربيات اللى ورايا داخله , وطبعا انا كنت واخد حذرى تماما وكنت هادىء جدا فى الرجوع , جالنا واحد ابن @#$ طلب الرخصة وبدون تفكير راح خابطنى غرامة ألف جنية مع سحب لها لمدة شهر كامل طبعا يمنعنى من القيادة !! طبعا اتعصبت عليه بس هيعمل ايه التعصب ؟ لو كنت اديتله حاجة فى ايده كان قال اتفضل يا باشا وباس رجلى كمان !!

طبعا ما فعلت لا يستدعى الالف جنية والسحب لمدة شهر كامل .. خصوصا واننى لو اردت الدخول للطريق الاخر بدون رجوع فسأضطر لعمل لفة كبيييييرة جدا يمكن تضيع نصف ساعة من وقتى !!

ثم يعنى تخيلى لو كانت هذه العربية مش ملاكى بل عربية ( نص نقل) مثلا فتخيلى كيف سيكون وضع قائدها ساعتها .. تقريبا حكم بالاعدام له ولاولاده لمجرد انه يرجع للوراء للدخول فى الطريق الاخر!! .. غرامة الف جنية مع عدم استخدام أكل عيشه لمدة شهر كامل !! امر صعب جدا ,, وللاسف حدثت مع اصدقاء يعملون على عربيات نص نقل ينقلون كتب وورق من مطابع واشياء من هذا القبيل وهو مصدر رزقهم الوحيد ..

بس الحمد لله الموضوع مخدش ثلاثة ايام ولولا انى اعرف ضابط صديق شخصى لكان زمانى ممنوع من القيادة حتى اليوم ,, بلد مثل الغابة يأكل القوى فيها الضعيف .