مساء الورد يا ألبير:

شكراً على ردك. كتاب توما الإكويني بتاع السوما ثيولوجيكا you will find it here in English, actually a better translation than the wordy Arabic version! بالعربي طلع في إسرائيل في قاعدة البيانات ونسخة واحدة وللأسف لا يوجد بروتوكول تعامل بين مكتبات الولايات المتحدة ومكتبات خارجها فيما يخص المواطن العادي. زعلت لأنه مش موجود هنا. بس لقيت كتاب أعادوا طبعه لتوما الإكويني واسمه كونترا جنتيليز أي الرد على الأمم وفيما فهمت عمله للرد على المسلمين بأسلوب فلسفي وتمت ترجمته للعربية تحت هذا العنوان:

مجموعة الردود على الخوارج (فلاسفة المسلمين)، الطبعة رقم 2، توما الأكويني(تجليد فني، 01/11/2007)
دار ومكتبة بيبليون سعر السوق: 15.00$ سعرنا: 15$ توفر الكتاب: متوفر

اتصلت بواحد صاحبي يشتريه وها أتابع الأخبار ويا كدة يا إما أحاول أطلبه بالاستعارة وأشتغل عليه وأول ما يخلص يكون عندك وأديك خبر بالرسائل الخاصة في النادي هنا.

وألف شكر على موقع مكتبة كنيسة الإسكندرية الكاثوليكية وأنا عارفه من زمان يا صديقي لأني ريقي بيجري في أي حاجة فيها كاتوليكي بسرعة وخاصة لو دراسات كاتوليكية مشرقية. القلب وما يريد بقة نعمل إيه!

لو فيه كتاب معين من أمهات الكتب الكاثوليكية واسمه في بالك مفروض تقول لي وأوعدك أجري وراه وأجيبه. أنا كاثوليكي القلب والهوى يا صديقي (مش في عضوية كنيسة بعد!). فلما تطلب مني كتاب زي ده أكيد ها أجري وراه وبفرح. فإنتة قول وأنا أسعى ورا أي كتاب يخطر ببالك ومادامت النية حاضرة فده أهم شيء. تعرف يا ألبير أنهم طبعوا كتب كتير لناس أسلموا؟ فيه واحد أسلم اسمه عبد الهادي هونركامب نشروا له رسائل ابن عباد الرندي و دردشنا سوى في التلفون.. الكاتوليك راقيين جداً وعشان كدة أنا منجذب ليهم. عملوا مثلا كتير من الكتب التصوفية والإسماعيلية في الإسلام ونشروها وأنا معجب بالأخلاق دي وعايز أمشي ع الخط بتاعهم ده. فـ زي ما قلت لك قول إنت بس على الكتاب اللي في بالك من الكتب اللي أسعارها غالية وأجري ورا إنجازها لي وليك.. ما هو أنا كمان ها أفرح أني أحتفظ بالكتاب على اللابتوب بتاعي ياريس :wink1:مش أنت بس اللي تستفيد لوحدك.. أنت تمهمزنا بالأفكار والخير يعم ع الكل.

ونهارك سعيد.