أنت عسل يا ألبير. يا ريت الناس كلها زيك... طبعا مع تحفظي على موضوع تقديرك لـ كارن أرمسترنج ههههههههههه با أهزر معك. أموت وأعرف إيه اللي عاجبك فيها واللي عندها كل الناس شربات وطعمين! ألف شكر على كل تعبك معي. بصراحة تعجبت أن الدخان في مصر ممكن يكون سببه كدة لأني طول ما أنا عايش في مصر ما حصليش حاجة بالمرة.. تصور لم أخد حتى الاسبرينة إلا بالعافية. ولما جيت هنا قعدت لي كام سنة وجهاز المناعة نزل وبقيت أتأثر بالحساسية وجالي نوع من أنواع الندم على مجيء أميركا.. با أتكلم معك بشفافية.. بس حاسس أن دي مش مشكلة أميركا وحبوب اللقاح ومؤثرات الحساسية الغزيرة اللي فيها.. لأن دي حاجة ممكن تكون وراثية.

امبارح رحت كلمت زوجتي وجبنا كتاب الأدوية حيث هي تخصصها تمريض وقارنت المحتويات بتاع الأدوية اللي ذكرناها وفليكسونيس موجوده هنا بس بإسم تاني وهو فلونيس.. تقريباً جربتها قبل كدة. المفروض أخد الدوا بشكل مواظبة. الواحد زهق كل شوية حاجة داخلة مناخيره. فالمفروض أخد حاجة اسمها نيزل كورت وأستيلين وبرضو أجرب حاجة شبيهة بالـ فليكسونيس وهي ناسونكس.. كلها متقاربة. بس أنا حريص أن الخريف ده أجري وراء الموضوع بشكل pro-active استباقي قبل ما تحصلي كل سنة المصيبة اللي بتحصل كل سنة وندخل في أشعة مقطعية كات سكان وقرف وما أدراك من المصاريف اللي بتيجي ورا الحاجات دي.. في رأيي لو كنت ساكن في صحرا ربما كنت استريحت. وفعلا فكرت أسكن أريزونا بس حسيت أنها منفى لا يمكن تصوره. فأنا عندي الأدوية دي ها أجربها وأواظب عليها. ألف ألف شكر لك يا أمير يا غالي على ذوقك. وسامحني لو قلت أي حاجة في أي حوار قبل كدة وزعلك مني. تأثرت كتير أني تسببت في زعل ليك من ناحيتي في أفكار.. وتروح الأفكار وتيجي الأفكار.. ولازلت أتعلم.. لست شيطان الحقيقة المطلقة.. لست شيطاناً ولا ملاكاً ههههههههههه على رأي نجلاء فتحي في المسلسل بتاع إحسان عبد القدوس. نهارك جميل ومساءك جميل وألف شكر.