Arrayعلى فكره زى ما قلتلك
عمرى ما شفتك مره شكرت فى حد [/quote]

لسه من كام شهر فاتح سرادق عزاء لتيم رسر بتاعmeet the press وتقولى عمرى ما شفتك مره شكرت فى حد!

بالإضافة لكراهيتى لمواضيع التعبير وبرقيات التأييد والمبايعة فالشكر المتوفر بالأسواق حاليا غالبا بيكون شكر لشخص يؤدى واجبه وتأدية الواجب لاتستحق الشكر من وجهة نظرى ومايستحق الشكر هو القيام بعمل إستثنائى وغير ذلك يعتبر تنطع بل وإهانة غير مباشرة للشخص المشكور وكأنك بتقول له لم أكن أتوقع منك أن تقوم بأداء عملك ولذلك فأنا أشكرك لأنك أديته! والموضوع فى مصر تحول إلى حفلات زار وليس حتى مجرد شكر على سبيل المجاملة..... يعنى مثلا تلاقى خبر بالأهرام بعنوان" الرئيس مبارك يتابع بإهتمام بالغ حادثة الدويقة" !!!! كما لو كان من المفروض ألا يتابعها ويقعد يضرب عشرات وبعدها بيوم تلاقى خبر أخر" مجلس محلى الدويقة يشكر الرئيس مبارك على توقفه عن ضرب العشرات ومتابعة الحادث بإهتمام بالغ"

بدون الدخول فى تفاصيل الجيش وأبو غزالة فميزانية الجيش سر مقدس ولاتناقش حتى فى مجلس الشعب ولاأحد يعلم عنها شئ وموضوع إن الجيش بيصرف على نفسه فهذه بصراحة نكتة بايخة وكل الموضوع تهجيص وضحك على الدقون..... أنا كان فى اللواء الذى خدمت فيه مزرعة سمكية ومزرعة فراخ والمشروعين فاشلين وكانوا بيشتروا سمك من السوق ويبعتوه لقائد الفرقة والجيش قال يعنى من إنتاج مزرعة اللواء!

أسأل قريبك كده بتاع المدرعات عن حالة المركبات بوحدته ومشاكل الصيانة وقطع الغيار وكام دبابة عنده بتتحرك من مكانها ناهيك عن إنها تكون سليمة!!


Arrayحتى هانى بتاع ساحه الحوار الدينى قالك مره" يااخى انت دايما شايف الدنيا سوده كده؟؟" ههههههههه
يعنى مش انا لوحدى اللى ملاحظ الموضوع ده[/quote]

أنا شرحت لك قبل كده نظرية الشاسية والبودى وقلت لك أنه حتى يكون هناك أمل فأحسن حاجة إننا نقول إن المشكلة فى البودى وليس الشاسيه وممكن شوية معجون أستوك وتترد على البارد وبدل ماألبس المسئولية للشاسيه أو الشعب من الأفضل تلبيسها للبودى أو القيادة.