حبيبنا أحمد:

الكتاب الورقي فعلا أفضل لأنك تمسكه وممكن ترجع له وبراحة نفسية من نوع خاص. الملف الإلكتروني للمضطر والمهاجر والمغترب وأيضا لما تكون الأسعار عالية. فيه كتب أسعارها عالية وأنسب طريقة هي الرضى بالملف الإلكتروني. كتب Brill مثلا أسعارها دايما فوق المية دولار ويطبعوا نسخ محدودة. فيه أمازون وفيه برضو بارنز آن نوبلز:

http://www.barnesandnoble.com/

معظم الوقت با أروح على الكتب المستعملة وساعات بتكون شبه جديدة:

http://www.barnesandnoble.com/used/search.asp

ساعات أجيب الكتاب بـ 3 أو 5 دولار والبريد في حدود التلاتة دولار أو ربما أقل.. يطلع الكتاب أرخص شوية من الكتاب في المحل.

وفي حين أحترم نقاء ضميرك واحترامك لحقوق المؤلف فالفكرة هي أن الكتب الإلكترونية اللي بالانكليزي مش أنا وأنت بس اللي بنقراها ولكن غيرنا بيكون قراها بالملايين في الصين والهند وإندونيسيا... أشعر وربما أنا مخطيء في شعوري أن هناك توزيع غير عادل للثروات في العالم.. مثلا واحد طالب في إندونيسيا أو الهند وعايز موسوعة الأديان.. ليه يدفع ألف دولار ونصف وهو يادوب بيجيب الأكل بالعافية؟ لابد في اعتقادي من وصول العلوم والمعارف للجميع ودون أن يُحرم واحد منها.

على فكرة.. فيه موقع جايز يعجبك.. خطه ديني فلسفي شوية.

http://revelation-online.blogspot.com/

بس الكتب المطبوعة فيه من أكسفورد وبريل والأماكن العالية دي.

ميزة الكتاب الإلكتروني أنك تقدر تحطه على أي لابتوب وتقراه وربما تنسخ منه لدراسة ماجستير مثلا والحاجة التانية أنه لا يجمع العفر.. حيث أعيش العفر رهيب والكتب كلما كترت على الأرفف تجمع العفر والواحد عنده حساسية من أقل حاجة فباحاول السيطرة على مشكلة غبار حبوب اللقاح وغيره واللي بييجي بس من مافيش من خلال الـ air conditioner vents.

نهارك سعيد وربنا يعود عليك وعلى أسرتك الأيام بخير وبألف خير.