طيب , فيه شغلة محيرتني , دائماً القضاء يحاسب المجرم القاتل والمحرض على القتل بنفس العقوبة تقريباً .طيب ليش ما بيتحاسب شيوخ التكفير و القتل متل هدا الشيخ السعودي على أنهم محرضين على الجر يمة ويلقون العقاب العادل على مبدأ أن الفتنة اشد من القتل؟ .

والله الأمر أكبر من هيك , ليش ما بيتحاسب النظام أو الدولة التي تأوي هكذا قتلة لا بل يشغلون مناصب رسمية !!! شيء عجيب , ومدهش , وخارق و مارق وحارق , شي شي بيهوي .

قال دولة رسمية ورجل دين رسمي وإذاعة رسمية و فتوى رسمية تحض على القتل , وإذا قام أحد بتنفيذ هذه الفتوى ( وهي فرض عين على كل مسلم ) نعتوه بالقاتل و أنه ينتمي إلى الفئة الضالة !!!!
قال ضالة قال , طيب هالفئة الضالة مين ضللها ؟؟ و اللي ضللها مين سمحلوا يضللها , يعني ليش تيركينه يضللها !! ليش ما بتضللوه أنتم قبل ما يضللنا كلنا ؟ ويرمينا في نار جهنم ويحرمنا مالذ وطاب من النساء و الحوريات . قرد , قرد إي فيه أضل من هيك؟؟ . ما بضل .. قصدي ما بظن .

إلى اللقاء في ضلالة أخرى أضر و أبقى لا تبقي ولاتذر .

مع تحياتي (f)