أنا خدتك جد وطلعت بتهزر.. دي مشكلة المشاركات المكتوبة مابنشوفش تقاسيم الوجه وتعابيره.

1. عارف أنك لا تبشر بالبوذية.. لا أتهمك لا سمح الله بالتبشير بالبوذية. قصدت شيء تاني...

2. بالنسبة لي تعريفي الشخصي للفلسفة هو الوصول إلى الحقيقة. وسيلة نبغي بها الوصول وليست فلسفة بهدف التفلسف. هناك لذلك تفكير نقدي وله آلياته ونقد ومنهج إلخ. دول على بعض.. التحبيشة دي أسميها فلسفة.

صديقي.. أخويا.. ما هو تصوف هو تصوف Mysticism is mysticism

ما هو فلسفة هو فعلا فلسفة وأقف له تعظيم سلام While philosophy is philosophy and it commands my utmost respect and serious consideration.

التصوف شيء جميل ويخاطب الحس والمشاعر الجميلة على الكورنيش وفي المعبد...

الفلسفة هو كيف أصل للحقيقة.


لا يختلطان عندي. عندما أقرأ تصوف أعرف أني أداعب بظر المشاعر عندي... أنتشي وأفرح وأبربر وأعيط وأبقى بهلول وكل شيء يجوز هنا بين العاشق والمعشوق.

وعندما أقرأ فلسفة أعرف أني أحاول الوصول إلى الحقيقة... كيف أصل إليها؟ فيه طرق استدلالية وتجريبية.


ما بيخشوش أبداً على بعض عندي. كل واحد فيهم يلزم حده وإلا ودين النبي ما راح يحصل خير :lol2:

** للأسف كتاب The Turning Point ما عنديش بس أحب أقراه فيما بعد.. عندي دلوقتي كتابين له أحب أخلصهم وأقلب على The Turning Point.

بالمناسبة.. أنا مش باتحاور هنا :emb: عشان رأي أي واحد من "الجميع".. أنا أتحاور مع ألبير اللي أحبه وأحترمه إلى ما لا نهاية.


من جهة ديكارت.. هل فعلا نعتب على الفيلسوف أي كلام يقوله في الروح؟ دي حتى محمد بن عبد الله احتار فيها وقال الروح من أمر ربي.. روح مين بس يا عمنا؟ الروح دي كلمة هلامية وتختلط مع النفس وما حدش عارف لها أول من آخر. خلي ديكارت يقول اللي هو عايزه فيها.. تفرق كتير؟ وبعدين فكرة الثنائية مش ذنب ديكارت.. دي موجودة من الأزل عن أفلاطون وفلاسفة اليونان.. هما السبب مش ديكارت. بولس خدها عن اليونان وقال فيه روح+ نفس + جسد. هو حر.. الراجل شايف كدة.. رأيه.. ملاحظته.. لا أنا ولا أنت نعرف ما هي النفس ولا ما هي الروح.. كل هذا مجرد بحث في أغوار الوجدان والعاطفة الإنسانية ومرتبطة في الأساس بخلايا المخ وأعصاب المخ.. لا يوجد عضو في جسمي اسمه النفس ولا الروح ولا غيرو.

من جهة ديكارت والله.. أولاً من هو الله؟ سواء كان خارج المكان أو داخل المكان والزمان.. برضو ما تفرقش كتير. الله فعلا خارج المكان والزمان وداخل المكان والزمان والاتنين في بعض. ما تقدرش تحددها بفرضية ثابتة محددة. بالنسبة لي الله فعلا داخل الزمان والمكان وفي أصغر الصغائر: الله أصغر الله أصغر! ده الآدان بتاع صاحبك إبراهيم.

صديقي.. كارل جوستاف يونغ له دراسات قيمة وأحبها موت.. بس بصراحة راح زمانه وودع هواه وودع هوايا وعمر اللي راح ما حايرجع تاني على رأي محمد عبد المنطلب بتاع الأوزاعة. أموت فيه.. بس كتير من دراساته عفا الدهر عليها وشرب.. نفس الشيء مع مرسيا إلياد. تطلع حاجة وتطلع حاجة جديدة تنسخ ما قبلها. كنت طالع بمرسيا إلياد السما راح واحد صاحبي قال لي ما خلاص راحت عليه.. واضطريت أقرا كتاب 8 نظريات في الدين لـ بالز Pals وعرفت أن الموضوع أكبر وأوسع من عالمي الضيق بتاع مرسيا إلياد.

فوجئت بملاحظة أخيرة في ختام مشاركتك تقول:
Arrayأرجو منك زميلي العزيز أن تعفيني من متابعة الحوار هنا.
لأن هذا سوف يشتت مجهودي بين موضوعين[/quote]

بكل سرور يا "زميلي". As you wish, my pleasure.

وأنا لا أرضى التشتيت عزيزي.

وشكراً عموماً على كل تفاعلاتك الحوارية ونقف عند هذا الحد.
:redrose::redrose::redrose::redrose::redrose::redrose::redrose::redrose: