مساء الفل يا صديقي بني آدم.. عين وصابتنا يا عمدة :lol2:ما تبخروها يا ولاد :duh:
معقول كل البلد دي بحالها مافيهاش بخور؟





كلامك زي ما بتقول بالضبط. الموضوع مالوش دعوة بالهرب ولا بتاع. خلينا ناخد الموضوع من أوله.. كما أن معدتي تتعب وكما أن الكبد يتعب وكما أن البنكرياس يتعب والمثانة كذلك إلخ فالمخ كذلك بيتعب ولا يوجد له علاج قاطع في مسألة عدم الاتزان الكميائي. الموضوع ده حير ناس كتير ومن شدة الحيرة نسبوه لـ المسّ الشيطاني مرة ونسبوه للجان والعيازو بالله مرة تانية وحاجات كتير مالهاش أول من آخر. المخ بتاعنا في حالة تطور وأحيانا المخ يريد أن يتطور فوق المستوى العادي وبالتالي يحصل نوع من أنواع الانهيار ويحدث ما يبدو لنا وأنه الجنون.. المخ لم يتحمل مع أن قدرته على التطور في مرحلة فوق المعتاد.. عشان كدة تلاقي ناس زي نيتشة العظيم وغيره وغيره. أول مرة انتحر لي صديق كان أول سؤال خطر ببالي أيام "الهطل" والحمد لله إنه يا صاحبي تاب علينا من الهطل البهلولي إياه: يا ترى فلان اللي انتحر ده رايح الجنة ولا النار؟ عايزين نعرف الراجل رايح على فين؟ تجاوزت هذه المرحلة تماماً ولما أعرف أن واحد انتحر لسبب أو لآخر أحزن لأجله جداً وأتمنى مخلصاً أن العلم يتطور فعلا والناس تتبرع بسخاء زي ما بيتبرعوا في موضوع سرطان الثدي ويكرسوا مجهود أكبر في مسألة الاضطراب الكميائي للمخ والأعصاب.

مرة عديت على مستشفى العباسية لأني كنت ساكن جنبهم وطلعت أتمشى وشفت واحد عنده إعاقة. طبعا في الوقت ده ما كنتش أقرا غير الإنجيل وبس. وبما أني كنت في الثقافة ضحل إلى هذا الحد المعرفي لما أتمالك سوى أن أصرخ في وجهه وأقول: أنتهرك يا إبليس بإسم يسوع المسيح. هذا هو الجهل بعينه يا عزيزي بني آدم وأشفق على الناس منه في التعاطي مع الوجع والألم وروحنة كل شيء.


في الولايات المتحدة, سألني الطبيب سؤال لم أكن أحب أن يسألني إياه: فكرت في الانتحار؟ بدموع قلت له نعم. أعتقد أني تجاوزت هذه المرحلة نفسياً ولكن لما نسمع عن واحد يفكر في الانتحار يجب أن نكون شفوقين ونسعى لعمل كل شيء للوقوف لجواره/ لجوارها وأن نرحمه من مواعظنا الدينية.. كل ما يحتاج إليه هؤلاء الناس هو الصدر الحنون فقط. القبول الكامل ودون مواعظ أو نصائح.