يبتدأ الحوار مع الدينيين بمطلقات واثباتات فلقد أثبت العلم ان الكون حادث اى علم هذا الذى اثبت ان الكون حادث..لا أدرى وكيف أثبته ايضا لا أدرى فلازلنا رغم كل شئ فى مرحلة بدائية من التطور وغير قادرين على مكافحة الايدز والسرطان وغيرهم من الامراض وفجأة يأتى العلم حسب كلام المحاورين ليثبت ان الكون حادث قضية محسومة لاجدال فيها لينطلق الى النقطة التى بعدها بما ان الكون حادث فلابد ان هناك من أحدثه لذا فقد اثبت العلم بما لايدع مجالا للشك ان هناك خالق تماما كما اثبتت احدى الجامعات السعودية واليمنية ان بول البعير يشفى من الامراض وان الذباب فى جناحه شفاء...
فهل الله مثلا خلية مجهولة اكتشفها دكتور مطلق من مراته وقاعد فى المعمل اربعة وعشرين ساعة لانه موش لاقى حاجة تانية يعملها او هو كوكب ما تايه فى الفضاء لاقه واحد قاعد على بحيرة بالليل بيغنى ظلموه ..
وبعدين سيبك من الخلايا والكواكب واثبت العلم بما لايدع مجالا للشك ايه هو مربط الفرس مربط الفرس هو طيب لو مفيش ربنا هنعمل ايه وهى قضية شرق اوسطية جدا فى المقام الاول فاليابان والصين دولا ملحدة لانهم لايؤمنون باله ودول غرب اوربا دول ملحدة لان غالبية سكانها ملحدين او لا ادريين ورغم ذلك موش قاعدين على الرصيف لابسين اسود وبيلطموا ياللهوى طلع مفيش ربنا هنعمل ايه...
مفيش مفيش
الحقيقة اننا هنا موجدين ولابد ان ننظم حياتنا فى اطار يحفظ لكل حقه ويمنع الافتئات على بعض لان هذا سيؤدى الى مجازر لاتنتهى والحياة اقصر من ان نضيعها فى العكننة والقرف
بس دى الحدوتة