يا أخ بهجت:

مساء الورد.. إزايك؟ عاش من شافك. أنا فعلا عايز أفهمك.. الأخ المحترم طرح موضوع بيقول فيه إنه شاف واحد متدين وصفاته كيت وكيت. أنت قلت: ده مش ممكن يكون ملحد. لغاية كدة.. أنا فاهمك صح؟ هل المتدين فقط تحكمه الغرائز؟ أم أن البشر عامة تحكمهم الغرائز؟ نعم للتدين أفات بدون شك ولكنها ليست محصورة على التدين ولا يمتاز فيها من يسمى تجاوزًا بالملحد على المتدين. التدهور الأخلاقي كما تعرف سمة شخصية. ياما شفنا مشايخ وفيهم الحلو وفيهم الوحش. مش كدة ولا إيه؟ أكيد أنت موافقني. الأخ طارح الموضوع شاف واحد مش ولا بد وسارع في الحكم عليه من باب يا ترى هو مؤمن أم لا.. ملحد ولا غير ملحد. صح؟ هل ده ينفع؟ وبعدين يا أخ بهجت: بيني وبينك يا شيخ.. هل فعلا الإلحاد دائما موقف عقلاني؟ ليه؟ مش لحم ودم؟ مافيش ميول وأهواء وعواطف وغرائز؟! نعم الملحد يتفوق على المؤمن في موضوع العقلانية ولكن مش شرط أنه ملحد إنه بيكون عقلاني. العقلانية المحضة دي في الكتب وبس.. حاجة نظرية. مش كدة يا مولانا؟

رجاء لا تزعل مني أو تسيء الظن بي وأنت تعرف كم أحبك وأحترمك.

نهارك جميل.