:DArray

أنا لو بدأت فى سرد أفلام البورنو التى كان يقصها على رفقاء السوء مش هخلص فى سنتى وإحتمال كبير أطرد من المنتدى لكن بشكل أو بأخر تكشف لى بعد ذلك إن كله نخع وفشر وقصر ديل...... يعنى واحد كل يوم ييجى يقولك إنه بيعمل بالميت حمامتين يوميا ثم يشم خبر إن لديك فيلم سكس ييجى يحاصر منزلك ويعمل فضيحة فى الشارع علشان تخليه يتفرج معاك وتوافق بشرط عدم القذف فى بيوت الناس:lol22: والإنتظار حتى يذهب لبيتهم.... هل هذه سلوكيات شخص عمل حتى حمامة واحدة فى حياته?
[/quote]


بمناسبه افلام الفيديو الله يخرب بيتها , انا كنت اعتبر فى المنطقه من الناس الارستقراطيين لان كان عندنا فيديو :D وده كان ايام الفيديو ال JVC اللى كان عامل زى الكنبه البلدى , ولما كنت تفتح باب الشريط تحس ان سيد قشطه فاتح بقه وهيبلعك , المهم انه انا فى الصيف وفى اجازه المدارس كنت بكون فى الشقه لوحدى انا ووالدى فقط لظروف عملنا , ووالدتى واخوتى الاصغر منى يقضون الاجازه الكامله فى بيتنا الاخر بالمنصوره , ووالدى كان يسافر لهم الخميس والجمعه والشقه بتبقى فاضيه , ولك ان تتخيل شاب عازب ويمتلك فيديو وشقه فاضيه ,, ايه اللى ممكن يحصل؟؟
فى احد الايام قال لى صديق ان عنده شريط وعاوز يتفرج عليه , وانت عارف ان المتعارف عليه انه كى تشارك فى احدى تلك الحفلات فيجب ان تشارك باحد عناصرها , فاما تشارك بالشقه , او بالفيديو او بالشريط , او بما تلزمه السهره من مشاريب ولب وسودانى او عشاء محترم وما الى ذلك .
المهم انى قلتله ابويا مسافر يوم الاربعاء اخر النهار , ابقى هات الشريط وتعالى يوم الخميس , وفعلا يوم الخميس لقيته جايب الشريط وجاى , احنا يادوب شغلنا الشريط وجرس الباب رن , لقيت واحد صاحبنا تانى ودخل وقعد واستربع كمان , التانى قاللى : شغل ياعم , ده محمود بتاعنا ومننا وعلينا , اتارى الشريط اصلا بتاع محمود ده , وابن القحبه اللى اتفق معايا كان بيوفق راسين فى الحلال " الشريط والفيديو " :D وعاوز يتفرج مجانا .

شويه والباب رن,, وقفت الشريط بسرعه وفتحت الباب , وجدت صديق ثالث , وبرضو " شغل ياعم ده اشرف بتاعنا " شويه وصديق رابع وبرضو اسامه بتاعنا , وخامس وبرضو حسين بتاعنا , وسادس ........ حتى اصبح هناك 22 فرد يفترشون ارض صاله الاستقبال فى الشقه ,, وهى مساحتها كلها 4X5 متر, لدرجه ان احدهم ابن خالته كان عندهم فى زياره , فاحضره معه لرؤيه الفيلم , وانا لا شوفته ولا شافنى قبل كده .

وطبعا بعد الزبون الرابع والخامس انا فهمت القصه , وهى ان ولاد القحبه اتفقوا عليا وعاوزين كلهم يتفرجوا , ولو قالولى كده بصراحه طبعا هرفض كل العدد ده , فاتفقوا على تلك الخطه , وانا بعد الزبون الخامس كلما رن الجرس الباب فهمت انه واحد منهم , فاصبحت لا اقوم بتوقيف الفيديو , وانما يدخل العضو لياخذ مكانه بين الاعضاء والفيلم شغال , الى ان رن جرس الباب لدخول العضو رقم 23 فلم اقم بتوقيف الفيديو , وكان هذا العضو رقم 23 هو والدى :lol22:

فتحت الباب واذا به امامى , وشاشه التليفزيون مواجهه لباب الشقه بزاويه ميل بسيطه , والعيال كلهم شافوا مين اللى ع الباب كل واحد مبقاش عارف يتلم على روحه , ومش عارفين يمدوا ايديهم يطفوا التليفزيون من المفاجاه , وطبعا انا اتمسمرت ونزل عليا سهم الله , والعيال كلها جريت ومنهم اللى خرج حافى وترك حذاؤه خلفه :lol:

طبعا كان نصيبى تفتين فى وشى مع قلمين محترمين , ونصيب الشريط ان تم خلعه من الفيديو وسحب الشريط الممغنط نفسه وتقطيعه , وكان نصيب الفيديو ان رفعه الى اعلى وبكل قوته القاه على الارض حتى تفككت اشلاؤه وكان من الصعب لمها مره اخرى , مع فاصل من السب والشتم , وانا طبعا فى نص هدومى .

طبعا هو لمح وجوه بعض العيال اصحابى , فكان عندما يقابل والد احد اللذين لمحهم يقول له " خللى بالك من ابنك " ويبدا يحكى له , الواد ييجى تانى يوم وشه مشلفط ويقوللى الله يخرب بيت ابوك , ابوك قال لابويا :D

المهم فى النهايه عاوز اقولك انه فى بعض الاحيان كان من ضمن رفقاء تلك الحفلات بعض المتزوجين , واعرف منهم واحد ورغم انه متجوز الا انه كان لا يتورع عن الايقاع بالنسوان وممارسه الجنس معهم , ومع ذلك فقد كان مدمن لافلام البورنو .