الولية غلبانة ومش فاهمة أى حاجة من المصايب اللى حططت على دماغها ولا ليه بتحصل والدرس المستفاد أنه مهما كان حجم المصائب التى تنزل بك ميهمكش مادام يسوع معاك!

أمثال تلك المرأة أنا لى سابق إحتكاك بهم ومدرك تماما كيف يفكرون وماهى ردود أفعالهم فى المواقف المختلفة.... أنت فاكر عمر الشريف فى فيلم بداية ونهاية لما كان بيكلم أمه وبيقولها" أنتم الفقر دق عضمكم وعلمكم الذل والإستكانة"... هذا هو حال أمثال تلك المرأة.

أنا كان فى واحدة بتييجى تنضف لى الشقة ولو أنا موجود بتمسك ودانى وتقعد ترغى وفى إحدى نوبات رغيها لقيتها بتقولى على واحد من عيالها إنه ضاع! فأنا ألتفت لها بإستغراب وقلت لها يعنى إيه ضاع? هو بريزة! فقالت لى أنه خرج من البيت يوما من حوالى سنة ولم يرجع! بلغتى البوليس ياست? لأ... دورتى فى المستشفيات? لأ .. ياولية مفيش حاجة إسمها عيل يضيع! هعمل إيه يعنى أنا فوضت أمرى لله! وكل هذا تقوله وهى فى منتهى السعادة والطمأنينة!