أنت عسل يا بهاء. ربنا يعلم أنا باحبك قد إيه. كم تمنيت لو لي صديق على أرض الواقع زيك جاري هنا أو حاجة. إلى حد كبير أرى نفسي فيك وطموحك ورغبتك تساعد الناس وأذكر لك جميل كتب كتير عملتها وعلى رأسها كتاب فجر الضمير. يعجبني فيك انفتاحك الرهيب على الثقافة العالمية. كل ما أشوفك أحس بالذنب أني ما تعلمتش يوناني كويس. عملت إيه في اليونانية؟ أنا أعرف كلمات بسيطة وأعرف أقرا ولكن نفسي أعمل أحسن من كدة.


أشكرك دكتور بسام على رأيك في ولكني واثق أن هناك الكثير من أفكاري لن تعجبك وبسبب اختلاف الشخصيات بيننا وأنا لا أريد أبداً أني أقول شيء يزعلك. صدقني لا أتعمد بالمرة تزعيلك. أحب أكيد أطلع البالتوك. عايز أشغله على الكمبيوتر الماك بس مش عارف.

أخي العزيز جلجامش: لي عودة لأقرأ مشاركتك وخد راحتك تكتب لي بالعربي وراح نفهم على بعض. أريد أن أقرأ مشاركتك بتأني لا باستعجال والوقت عندي الآن منتصف الليل. لاحظت أنك تذكر اسم نوفاليس وطبعا أعرفه وهل يخفى القمر... أحب الناس دي موت وتعجبني اللمسة الألمانية في الفكر والنظرة للحياة والفلسفة... أتمنى أن أقرأ بتوسع لـ نوفاليس برضو و نتناقش فيه. بس خلينا في ريلكة دلوقتي. سامحني أني أكتب بالعامية.. لما الدنيا هنا بتكون منتصف الليل اللغات تتلخبط عندي والتركيز مش ولابد. تصبح على خير بتوقيتي هنا ونهارج جميل وكلي شوق لقراءة مشاركتك الجميلة وعن الغوص في عالم ريلكه الممتع. على فكرة هو كان مؤمن بالله بس بطريقة "الصيرورة" زي وايتهيد والـ process theology أي لاهوت الصيرورة ونبيل فياض اللي من سوريا تكلم عن حاجة الناس لفكر الصيرورة هذا. لاحظ معي أن الدكتور شحرور يشجع على ربط الكينونة بالصيرورة والدكتور شحرور يضيف مصطلح جميل آخر وهو السيرورة. لو عندك خواطر في الموضوع ده أحب أسمع رأيك ولكن لي عودة عشان أقرا كل اللي كتبته بالتفصيل.

ربنا معك ومعنا ومع الكل أجمعين.