Array
الزميلة Narina

شكرا على التشجيع .... و أتمنى منك توضيح على شكل المعاناة التي بتواجه البنت في هدا الموضوع.

:redrose::wr::redrose:
[/quote]


كتير أمور و يمكن لكل بنت قصة شكل ..بالنسبة إلي كان موضوع الحجاب
هون بتبلش معاناة البنت بالذات إذا كانت العائلة متعصبة لتوجهها الفكري(حتى لو هالعائلة ما بتكون مؤدية لالتزاماتها الدينية كلها:confused:)

الشب مو مضطر يحكي اللي بباله إذا ما بده بس البنت بهالحالة بتكون بين خيارين: إما إنها ما تحكي و تتحمل تضل لابسة الحجاب و عم تحس بتناقض كبيييييييييير جواتها أو إنها تاخد القرار الجريء و تحكي
الغريب إنه البنت بمجتمعاتنا لما بتخلع الحجاب بتروح أتوماتيكياً من قبل الأغلبية تحت تصنيف "البنات اللي عليهم علامات استفهام"
و الأهل بكونوا متعصبين كتير لموضوع الحجاب بسبب هالنقطة عدا عن إنه كمان اللي مو متحجبة بتروح عالنار :wacko:

أكتر إشي مستفز هو لما تسمع الأهل بيحكوا :"كله من النت".."كله من الكتاب الفلانيين".."كله من البرنامج الفلاني عالتلفزيون"
و كأنه هالأنثى اللي قدامهم كائن عاجز عن التفكير و ما بيقدر يتوصل لحاله لأفكار توصل إلها المفكر الفلاني من قبل
يعني كتير مرات ما في استيعاب لقكرة إنه أنا ممكن أقرأ لفلان و عم بختلف معه ببعض الأفكار اللي بيطرحها بس بنفس الوقت بحس بمتعة إنه بشاركني و لو ب 70% من أفكاري و كأنه الواحد بيقدر يكون قارئ واعي ناقد ..بيحب يقرأ لفلان و فلان بس ما بيعطيهم قدسية لأنه قرألهم حكيات حلوين من قبل لأنهم بالنهاية متلي متلهم بس الفرق بيناتنا تجارب و فرص مو أكتر

و اللي عن جد بضحك إنه هالنقم ع" التأثيرات البرانية" بيختفي لما يكون ه "الحدا اللي ممكن نتأثر فيه "عم يغني على موالهم حتى بالعكس بيتحول هالتأثير لإشي كتير محبب

الأهل بالعادة بحسوا إنه الضغط عالبنت أسهل بكتير من الضغط على الشب بسبب طبيعة مجتمعاتنا :mad: مثلا إذا تأزمت الأمور كتير الشب ببساطة بيحمل شنتايته و بيطلع ..البنت لأ ..البنت لازم تكون مرتبة لأمورها كتير منيح -بالذات الأمور المادية-قبل ما تعمل هيك خطوة لأنه برة مو أحسن من جوة وكتير ناس ماخدين عن البنت اللادينية أو الملحدة إنها بالضرورة فريسة سهلة

شغلة تانية بجوز موضوع الزواج..هالشغلة صعبة عالجهتين سواء شب أو بنت لسببين :
الأول: إيجاد الشريك اللي بيتبنى هالأفكار متلك
و التاني: إنه بمنطقتنا كتير ناس بتتحول للادينية أو للإلحاد لعدم النضج مو نتيجة تعمق بالتفكير..يعني بس لحتى يتحرر من الإلتزامات اللي بتقرضها عليه الأديان بس لما تتحاور معه بتكتشف خواااااااااااااااااااااااااااااء فكري مو معقول و جكارة مو طبيعية و نفسية محمضة عالآآآآآآآآآآآخرو بتلاقيه ما بيقدر يحط حدود لتصرفاته يعني ببساطة ألحد مشان بده ترويض مو أكتر
و كتير مرات الطرفين بيرغبوا بزواج مدني مو ديني و هادي مشكلة لحالها لأنهم بيتصنفوا "زناة ..فساق..فجرة..أولادهم أولاد حرام..إلخ " و كتير مرات من أقرب الناس إلهم


فمتل ما حكينا هالصعوبات بتواجه الطرفين شباب و بنات بسبب طبيعة مجتمعاتنا بس البنات بعانوا منها أكتر "برضه بسبب طبيعة مجتعاتنا "

يعني ببساطة يا كنعاني الشب لما بياخد قرار الإلحاد بدو يكون عنده إرادة قوية بس البنت بدها تكون إرادتها " غير شكل" و تكون قد حالها و جدعة مستعدة لكل الإحتمالات :cool:
بالنسبة لإلي حظي كان حلو مشان شخصيتي قوية و بعرف حدودي و حدود غيري و عارفة شو بدي بالضبط بس كون المرأة قوية ما بيعني إنها ما بتتغلب
ما رح أساوم أيا حدا على إشي بآمن إنه من أبسط حقوقي و عارفة إني رح أدفع تمن غالي كتير كتير بس رح أدافع عنها بشرااااااااااااسة :icon26:

بنرجع بنقول لكل بنت قصة مختلفة حسب شخصيتها هيي و ظروفها برضه كمان فهذا غيض من فيض مو أكتر

بشكل عام الناس اللادينيين سواء ربوبيين أو ملحدين -غير مزيفين طبعا- همي المظلومين الحقيقيين بمجتمعاتنا و بيدفعوا تمن غالي كتير على معظم الأصعدة لو فكروا يحكوا اللي ببالهم مع إنه هادي أبسط حقوقهم
فلما الواحد يتحول للادينية بيكتشف قديش أنظمتنا التعليمية و علاقاتنا عن جد بدها إنعاش