إيه يا عم الحلاوة دي كلها.. يا سلام على صاحبي "يجعله عامر" لما يبدّع بقى ويجيب الخفايا والمخفيات اللي موجودة في علم الغيب شخصياً!! أنت رائع. لم أكن لأتوقع أن تأتي بهذا الكتاب جاهز وعلى هذه الصورة. وسعيد أن احنا الاتنين متفقين إنه كتاب حلو وممتاز وأديك شايف حلاوة الكتاب النص الفارسي وجمبه النص العربي وتقريبا تحس أن الخيام بيقول القصيدة بلغتنا العربية وبعد كدة مافيش حلاوة أحسن من كدة. بذمتك يا شيخ.. بصراحة.. مش ده أحسن من أحمد رامي واللي عملها من البحر الطويل ولا مش عارف إيه؟ قصيدة رامي مثلا يا "يجعله عامر" حبيت أشوف فيها البيت بتاع "أطفىء لظى القلب بشهد الرضاب" وأحاول أجيبه من النص الانكليزي للرباعيات بس مش لاقيه يا أخي!! طب يا أحمد رامي أضفت البيت ده أو ترجمته من فين بالضبط؟!!! أموت وأعرف! ولكن لما أبص على النص الفارسي وجمبه النص العربي وأحس زي ما يكون الاتنين متطابقين وكأن الاتنين اخوات العربي والفارسي يعني مع أن الفارسية لغة هندوأوروبية ومش سامية زي العربي أو العبري أو الآرامي مثلا. بيني وبينك يا يجعله عامر الجدع ده اللي اسمه أحمد الصافي النجفي دخل دماغي لأني حسيت أن مخه نضيفة قوي وكونه يترجم بالحلاوة دي وهو عارف أن الخيام له نصيب لا بأس به من الزندقة فأنا معجب به وبروحه الحرة وأنه مش مكبّل أو متربس أو مقربط. نفسي أعرف لما يكون عندك وقت رأيك في النجفي وفي الترجمة دي. واكتب بالفصحى. معلش أنا باحب العامية لما أحب أتكلم بعفوية. شفت مصيبتنا: نتكلم لغتين: واحدة مكتوبة ومتخشبة والتانية تطلع تلقائي ودي العامية.

نهارك فل يا أمير يا غالي.:kiss2: