صاحبنا الغالي كلاودسكاي:

الموسوعة بروابط الرابيد شير والتي تنزل في النهاية في صورة ملف nrg تحرقه ببرنامج النيرو على سي دي وأكيد أنت عارف النظام ده كويس.. السي دي هايساعدك في البحث إما عن أسماء المؤلفين أو أسماء مواضيع.. فيه خيارات ومهندمة شوية.

الموسوعة بصورتها التانية اللي رفعها فانسي هوني هي ملفات بي دي إف وميزاتها إنك تقدر تعمل نسخ ولصق وتشوف كل حاجة بما في ذلك المراجع. مثلا لما أنا دورت على المقال عن الإباضية في السي دي لم أجد في أسفل المقال قائمة بالمراجع ولكن لما فتحت الملف بي دي إف لقيت كل حاجة بما في ذلك المصادر اللي الباحث اعتمد عليها في المقال. مش هانخسر حاجة. احتفظ بالاتنين والتخزين مافيش أسهل منه. دي أفخم موسوعة نزلت لغاية دلوقتي ومرجع لا يوجد ما يقارن به. لو أنا أعمل ماجستير أ ودكتوراة واقتبست منها ده هايخلي البحث له مصداقية عالية جداً. على فكرة ناس كتير من المشتركين في الموسوعة دي مسلمين ومشاهير في كل العالم وأوروبا. فيه ناس حبت تطعن في الموسوعة دي بس دي خيابة لأن حجة البليد مسح السبورة. لكن دي موسوعة أكاديمية وأي كتاب تلاقي فيه كلمة Brill كناشر تقراه وأنت مغمض فرحان وبوعي نقدي طبعا كطالب باحث دارس. عموماً نزل الاتنين وخزنهم عندك على سي دي هات أو أي آلة تخزين خارجي لأن الكمبيوترات ما تنضمنش.

بالنسبة لمشكلة الانترنت.. حاجة تزعل. ناس مقاطيع لا شغلة ولا مشغلة. مافيش حل غير أنك تصحى قبل منهم. لو الناس تستخدم الانترنت لفائدتها لكان خيراً لها. وقول لاصحابك عليها. دي كنوز لا تعوض والمفروض الناس تستفيد مش تكون الموسوعات دي قاعدة في المكتبات تلم عفر. الموسوعة تمنها ألف دولار يا صديقي ولو طلعت ونزلت ومهما تمعظمت كان من رابع المستحيلات أني أشتريها أو حد يسلفها لي.. مافيش حد هنا بيسلف الحاجات دي. شوف تمنها هنا:

http://www.amazon.com/Encyclopaedia-Islam-...0631&sr=1-1


إقرا مثلا مقالهم عن الوعد والوعيد وشوف الجمال. بص تحت مادة AL-WACD WA L-WA'ID


مساءك أو نهارك جميل.