واحد فاكر نفسه حكيم والتاني حامل دكتوراه رزالة ونازلين بهادل فبعض يبقى انا دوري ايه ؟
اتفرج و اضحك ؟
كلا و حاشا و مدحت باشا
علشان كل مصايب النادي ، و الناس اللي بره برضه ، هي م الاشكال دي .
و يقول عمر ابن غزة : لا ارى اي ضرورة لان ينقل ما يكتبه امثال ذلك الكاتب الحاقد هنا
امال يا غزاوي منين الناس حتعرف اننا ارزال ؟
واحد قال يا عيني قاعد فأمريكا /بس من تحت ، يعني امريكا التحتانية مش عارف بيسموها ايه/ يبقى مفتكر نفسه بيفهم و نازل بهادل بالفلسطينيين
و التاني من جماعة ما يفرقوش بحاجة عن النازيين بتوع العرق الاسمى نازل بهادل بالمصريين
طب حتعرف منين انهم ارزال لو مكتبوش و ما عملوش حاجات من دي ؟
حجة الاولاني ان النادي فيه شتم ع المصريين فهو لازم يشتم التانيين
يعني زي ما تقول كده لما اي عيل فمدرسة بيقول لآبلته : ما هو كمان شتمني يا آبله طب انا ما طيحوش ليه ؟
يعني خلاص ، كل الفهم اللي مندعيه و حضارة قبول الاخر و البال الطويل قال يا عيني راح في الزبالة و رجعنا لأصلنا عيال بهايم تابعين لشريعة الغاب و مبدأ واحدة بواحدة و مبدأ حشخ فهدومي عشان اكيد الطهارة
ده كان عن الاولاني
التاني بقى زي ما قولنا دكتوراه رزالة ، يعني ما يعرفش يرد عليك من غير ما يطلع من بقه كل زبالة الكلام اللي اتعلمه من النازية بتاعته
يبقى مستغرب ليه يا بو غزة ؟
شايف قد ايه بيليق للناس دى منتديات ؟ لأ و لاحظ عظمة الكلمة : منتديات . جمع منتدى
يعني زي اللي كانو بيفتحوه الادباء الاكابر ايام كان لسه فيه شوي فهم
الكلمة المسكينة دي اتبهدلت
و صار اي نازي او عيل عصبي يفوت منتدى و يطلع كل الرزالة اللي جواه وكان مخبيها يا عيني قال عامل محترم
قام طلع بعيد عنك طز
وفي المنتديات يكرم المرء او يهان
و لولا شوية كانو خدو بعض بالقلم
و كأن غزة هي كنعاوي و بس
و كأن مصر هي رائي و بس
و الاتنين مش عارفين لا غزة ولا مصر ، و لا مصر و لا غزة عارفاهم و لا بيعترفو بيهم
كل اللي يعرفوه انهم لازم يشتمو فبعض بالمبادلة
و يرجعو بعد شوية يعملو فيها فهم و ثقافة
بقولك ايه
هم اللي اختشو رجعو من القبر على علمك ؟