Array
الزميل عاشور الناجي،

مع احترامي لرأيك، ليس هناك ضرر أن يبدي الكل رأيه في الموضوع، حتى لو كان بائع خضار على ناصية الحارة.

إذا أردنا أن ننتقد كل من أدلى برأيه بدون اختصاص أو إدراك للتفاصيل، فبإمكاننا الطعن ب90 بالمائة من مواضيع النادي...

أعتبر أن النتيجة، تعبر عن رأي أعضاء النادي الذين يمثلون عينة من العرب بشكل عام، ولا أعتقد أننا قادرون على الطعن في معرفتهم لمجرد إجابتهم بنعم أو لا.
[/quote]

في هذه الحاله للاسف يبقى الراي راي بياع بندوره في اتفاقيه دوليه وليس له اي وجاهه ولا ثقل ولا اعتبار حتى. يعني سوف نبقى مثل واحد لا يعرف جدول الضرب ويعطي رايه بحساب التفاضل والتكامل. او اعمى مثلا في عرض ازياء. او اطرش بيقولولو يقطع اوزان الشعر.
طيب المنطق بيقول ان كل علم وله اصوله. والجريمه هي من علم القانون. يعني نحنا بحاجه لحسام راغب وشهاب الدمشقي والشباب الفهمانين بهيك شغله (مش لعاشور الناجي اللي مانو مخلص ثانويه عامه) لحتى يفسرو لنا شو يعني جرايم حرب ووين القوانين التي تطبق عليها وشو بتختلف جرايم الحرب عن غيرها من الجرايم وكيف يتم تجريم الدوله.
بعدين القصه مش قصه تفاصيل، فعندنا هنا مشكله مع الاصول والقواعد العامه وليس مع التفاصيل. يعني اكثرنا لا يعرف الفرق بين الجرايم العاديه وجرايم الحرب. وبعدين هل كل جريمه عاديه تصبح جريمه حرب؟ طيب الحرب دايما فيها جرايم وناس عم تموت وعم تنجرح فهل هذا كله ينطبق عليه اسم جرايم الحرب وكل ما دوله حاربت لازم تشرف وتتحاكم لانها ارتكبت جرايم حرب؟
لا تفهمني غلط ابو ابراهيم وحياتك .... بس يعني الدنيا ليل وغيوم وعتمه وانت بدك ندخل خيط رفيع اسود بمسله سودا وخرمها ضيق ... يعني الله ما قالها هاي ...
بعدين في عنا اكيد عينه من العرب هون واغلبيه العرب تقول ان اسرائيل ارتكبت جرايم حرب بدون ما تسمع حتى باتفاقيات جنيف وبروتوكولاتها. بس هل هذا لا يعطينا الحق ان نطعن في معرفتهم؟ اعرب لي ياها بالله هاي !!! يعني لو جيت هلق ابديت رايي بكلمه واحده بنظريات نيوتن قدامك مثلا انت الدكتور المحترم وانا اصلا ما بعرف شي عن نظريه فيثاغورس ولا سامع حتى بروافع ارخميدس ولا بعرف ان كانت كلمه فيزيا اسم لعلم من العلوم ام طبخه بايته، فيعني شو قيمه رايي بالله؟ وماذا تهم قناعاتي؟

(f)