Array
أخص عليك يابهجت:lol: كسرت مجاديف الراجل...
[/quote]
يا حكيم .
و الله ما قصدي أكسر مجاديف أحد ،و زميلنا حمزة الصمادي زي الفل ولا غبار عليه ، فقط أحيانا أشعر أن الزملاء عندما يكتبون عن مصر يكتبون عن مصر تانية خالص ، حتى معظم المصريين ينقلون من الجرايد و يصدقوا الهيصة ، المصريون ينجحون في حاجات و حاجات لأ ، الطب مثلا و الهندية المدنية و شغل الدين و الفتاوى ينجحون فيها ،و لكن الإدارة و الإقتصاد لأ ، ايه المانع لما يروحوا و يجيبوا قرشين من الخلايجة او الإيرانيين ، هذه الفلوس ضايعة ضايعة ، و ياخدها مصري أحسن من غيره ، و آهو برضه المصري دايما يجيب الفلوس لبلده و يتمنظر بيها ، نص أولاد الحكومة مجوزين من أسر إخوانية غنية ،يعني في الآخر كل واحد يهبر هبرة و يرجع بيها ، و آخرهم واد قريبي راسب حقوق 4 سنوات ، و ابوه حتة وكيل وزارة من منازلهم ، دلوقت عقبال الحبايب متجوز منقبة زي القمر ضافرها أحسن من اللي جابوه ،و ساكن في شقة دورين على بركة الله ، طبعا لا يسأل أحد كيف عرفت حكاية القمر دي فعموا بهجت لازم يتباس تحت أي ظروف !، و لو كان زميلنا مالك الحزين مازال هنا كان قال لنا على حاجات تشيب ،و لكنهم طفشوه منهم لله ، يعني لما يكون إبراهيم عيسى و الإبياري دخلهم الأساسي من قناة دريم ، و هي قناة تشارك فيها الدولة بنسبة ،و يملكها ملياردير مصري من أولاد الحكومة ،ولو قاله مخبر بسيط مشيهم هيمشيهم ، و حتى لما انتص عيسى حكم لغاه الرئيس و سامحه لله ، فين بقى المقاومة اللي منتظرينها تسقط النظام ، آخر حزب شكلوه كان برياسة اثنين واحد كان مستشار للرئيس و استغنى عنه و الثاني كان منتظر يبقى رئيس تحرير الأهرام و فلتت منه ، يعني فيها لا أزعل و أعارض .. في مصر دوائر متصاعدة تنتهي كلها في إيد السلطة ، و لا يوجد أحد خارج دائرة ما إلا لو كان أهبل رسمي .
الأخ حمزة يتحدث أنهم مخبين الفلوس من الدولة ، الكلام ده مش هنا .. مين مخبي و يدخل عنقه في الخية ، الإخوان تعمل تحت سقف النظام وفقا لقواعده ،ولما الشاطر لعب خارج القواعد شوية راح في الطراوة ، هل يعقل أحد أن الأنفاق دي كلها لم يعرف بها المصريون ؟، و لكن لما تيجي تلعب مع نظام عقر عتويل في اللعب بلاش تزودها ، الآن هتتقفل الأنفاق و بح خلاص ، و هيمشوا كل حاجة رسمي و ميري و غلاسة بقى .
يعني لا أحب أن أتدخل كثيرا في حوارات سياسية مع هواة صحف ، و طبعا اللي عنده معلومات أو رؤية لا يكتب في المنتديات ، أفضل أن أعمل مثقف و أكتب في موضوعات فكرية و ثقافية ، و نفض دماغنا من الواغش كله .
و لكن تقول ايه .. قلبي على رأيي أولاد البلد علق ، و لم أقاوم كثيرا ما شاهدته في غزة ..وقلت ارضي ضميرك وقول كلمتين .. حماس حسنو النية و لكنهم مغيبين رسمي و ضيعوا كل حاجة ، أما من يحركهم فبلا قلب دائما وبلا عقل غالبا ..