يعني بعيدا عن الأفلام والمسلسلات العربية والذي منه وابن القسيس حب بنت مسلمة أو وحده حبت واحد وبالصدفة بيتفاجئ إنها مسلمه وهو مسيحي .. نكلم واقعيا وبجد
لو أختك/بنتك مسلمة حبت واحد مسيحي هل تثمن العلاقة ؟ ترفضها ؟ تسبلهم بالدين ؟ تدبح اختك ؟ تنظر إليهما معا على أنهما التقيا في علاقة إنسانية صرف النظر عن ديانتهما ؟ (بتهيألي الأخيرة دي صعبة) القصد ..
لو العكس بنتك / أختك مسيحية حبت واد مسلم من بتوع السيوف والشر والنكاح ، تعمل ايه ، تطلع عين امو ، تحبسها ، تدعي عليه ، تقطعو ، واللا تتصرف ازاي ؟

ليه موضوع زي ده ، لأني حابب ابتعد عن التنظير والكلام اللي مش بيجيب همو ، فرد فعلك الطبيعي أهم ، يعني الترابي مثلا شاف انو عادي المسلمه تتجوز مسيحي وستنا آمال قرامي بحثت المسألة وشافت انو الموضوع دينيا شغال وعادي وغيرهم ، لكن ع المستوى المسيحي معرفش حد اقر زواج مسيحية من مسلم مثلا وكل اللي اعرفو من خلال القضايا الاعلامية ان ده ممنوع منعا بتا ..

فحبيت اكلم عن الموضوع وحياة ربونا بـ اسم الإنسان لا شريك له ، يعني نظرتك انت للموضوع إنسانيا ، واللا احنا عايشين نظام تنظير بس وسلملي ع الإنسانيه وخلينا في طشة الملوخيه ..

نسألكم الدعاء عليّ باللعنات ..
ولكم هذه الأغنيه للسيدة الطاهرة سميرة.
http://www.youtube.com/watch?v=lMdjNRSvPA8