Array
شوف يا بنى - قولنا زمان وبنقول : قلة الأدب مفيش أسهل منها , وكل واحد عنده لسان وكيبورد ومصطلحات شتائم .. لو مش عجبك حاجة فى طرحى , اقتباس ورد بأحترام . ولما تتعلم ده , تبقى تيجى وتتحاور مع الناس المحترمة !

انا ولا احد فى نادى الفكر او فى اى مكان يقدر يتكلم بأسم الشعب المصرى " لان بكل بساطة انا لا أمثل الا نفسى , ونفسى فقط " لم أدعى ذلك ولا حد أدعى ذلك وأيدته . أما الشعب المصرى اللى انت فرحان بيه , وبتستدل بيه كأنه مرجع علمى على صحة أوهام القضية الفلسطينية , فقولى أزاى لم يكن ذلك الشعب اللى ادى مبارك فى انتخابات الرئاسة حوالى 85 % من الاصوات ؟ أزاى لم يكن ذلك الشعب اللى عشرة فى الماية منه ماشية ورائ الاخوان , وعشرة تانية وراء الحكومة , وعشرة وارء الجماعات الاسلامية , وبقيته ماشى زى الاهبل فى الشوارع او على القهاوى بيلعبوا طاولة . أزاى لم يكن ذلك الشعب اللى لو قولته يعنى أيه ديمقراطية ؟ لقلك ان الراجل ينام مع مراتك .

يارجل أستند على مراجع - ولو كانت رأيك - بدل ما دليل شعب أهبل ما بيقرأ كتاب ولا يعرف مين الرئيس الأول لدولة اسرائيل
* أحذر أن تقل أدبك او تتطول لسانك , مش عجبك الكلام لا ترد ولا تقرأ
[/quote]
لا لا لا لا يا بهاء انت الناس اللي زيك بتوع العقلانية والهدوء ما بيقعوش في جزئية الاستفزاز اللي في اول كلامك دي ،أعصابك يا راجل طيب انا راجل غوغائي لا عقلاني وعرفناها وانت لا لا لا زعلتني منك بصراحة
بالنسبة لجزئية 85% دي لوحدها تثبت انك من حبايب الحكومة ،انت عايش هنا في مصر معانا يا بهاء ولا في الدولة البهائية الشقيقة والا فين بالزبط ،يا عم بهاء ان كنت تعيش في مصر انت عارف التزوير اللي حصل في الانتخابات دي وحكاية الموظفين الحكوميين اللي طلعوهم من شغلهم علشان ينتخبوا مبارك والعمال اللي في مصانع بهجت وابو العينين وعز ممن يحركون رؤوس اموال ال مبارك في السوق وان لم يخرج فمصيره معروف متهدد في لقمة عيشه يا عم الحاج،كلنا عارفين ان النسبة التي ذكرتها دي لا تمت للشعب المصري باي صلة بتاتا،الشعب المصري واعي وذكي جدا وعارف مصلحته فين بس المصيبة في نظام مبارك واللي معاها اللي فارضين وصايتهم الجبرية عليه ومش عاوزين يحلوا عنه وعن نهبه وده اللي راعب مبارك ونظامة والمستفيدين منه من تجربة الشعب الفلسطيني الديمقراطية في فلسطين.