Arrayلنص المذكور من ارميا هو بلاشك دليل من ادلة عديدة ف كلمة פִּתִּיתַנִי تعنى فتنة والعربية كالعبرية ففتنة تعنى اغواء [/quote]

يخرب بيتك... أنت عفريت.. عايز أبوسك. عرفت تجيبها إزاي دي يا حكيم؟ من رابع المستحيلات أني كنت أربطها بكلمة فتنة عشان الفيه جواها نقطة أنطقها عفوياً وزي ما علمونا بيه peh ولكن انت لطقتها... تصور البهايم بتوع الفانديك ما شافوش حاجة زي دي.

Arrayوالنص كله يتحدث عن ان شكوى النبى ارميا كما نقول بالمصرى من أن ربنا قد ضحك عليه وورطه فى حدوتة هو موش قدها

,فاذا ترجمنا النص الى العامية المصرية ضحكت على يارب فاكلتها انا وثبتنى فمالقتيش منفذ


[/quote]

الله ينور عليك يا حكيم. بالضبط كدة. شرحك لذيذ وممتع. هو عايز يقول لربنا: تعمل كدة فيه؟ طب أنا عملت لك إيه؟ وجايبني هنا ليه؟ لاحظ أن الناس دول كانوا على أريحية غير عادية بالمرة قبل أن تظهر محاكم التفتيش المسيحية الأولى لدى أباء الكنيسة ومجامع الهرطقة والتكفير والهجرة المسيحية. هرطقوا دين أم العالم يا أخي واللي مش عاجبهم كانوا يودوه على توكر وينفوه في ستين داهية.

والفارق بيني وبينك وبين الجماعة التانيين أن أنا وأنتة هنا بنقرا قراءة تذوقية ولكن هما بيقروها على طريقة قال الله وقال الرسول وكأن النص طبع ميكانيكي خبط لزق إملاء وإنشا.

بس نخششت في دماغي ملاحظة "فتنتني" دي يا حكيم. تستاهل عليها مية بوسة. تصور كل الترجمات الانكليزية والمتداولة في الطوائف الإنجيلية عملتها غلط وفاتت عليهم... لأنه بينقل نقل مسطرة ولا حس ولا يحزنون.


الفقر الروحي زي ما فهمته من بعض الشراح وبالأخص الكاتوليك هو أن الإنسان يكون ماشي كدة زي ما يكون هو ولا حاجة ومش حاسس أنه في نفسه أي حاجة. الفقر الروحي يعني أن الواحد مش حاسس أن عنده كل حاجة ولكن يكون اكتماله بمصدر وجوده وهو خالقه. ممكن يكون الإنسان تقي وورع ولكنه مش فقير بالروح لأنه حاسس أنه عنده كل حاجة ومش ناقصه أي حاجة وهنا نوع من الاكتفائية المزيفة.

في البداية لما قريت موضوع الفقر الروحي برضو ما دخلتش دماغي وكانت زي حاجات كتير الواحد يقراها ويقول: اقلب.. اللي بعده ههههههههههه.

وأكثر شيء جميل في الروحانيات هو الذائقة التأملية. ده نادر جداً حيث أكتر الناس عايزة لائحة بالتعليمات ويقولوا عليها: حاضر يا فندم. موظفين أو عبيد عند ربنا. لكن شوف إرميا كان بيكلم ربنا إزاي؟ كل اليهود كانوا كدة يا حكيم. محاوراتهم مع الله صراحة مالقيتش زيها. الله عند العبرانيين مسخـّر الكون كله عشان خاطرهم ولكن عند المسيحيين هناك عقلية الثواب والعقاب والبونبوني والكراملة النادلر كمكافئة نهاية الخدمة. حوارات اليهود مع الله فيها جرأة غير عادية بصراحة وتفتنني بصورة شخصية. لا أحب الخنوع الرباني.


مساءك عنبر وشكراً على المعلومة القيمة يا أمير.