عزيزي الحكيم:

تحياتي العطرة لك (f)
لي سؤالان:

1. سواء كان المسيح هو إله أو الله... مش دي القضية. ولكن ما الحكمة من خروج شهود يهوه عن الإطار العام ويكونوا هم في فسطاط لوحدهم ماداموا لا يختلفون عما يقوله الآخرين؟ الاتنين بيقولوا إن المسيح إله مش كدة؟

من ملاحظتي يا حكيم أن تركيز شهود يهوه هو على الوضع الأخروي المرتبط بالآخرة وإداريات الله في هذا التقسيم ويا إما كيت أو كيت.

الأخ السوري اللي بشرني بعقائدهم لما رحت أدور على شغل معاه كان مسيحي أرثوذكسي وبعدين قلب معهم. ما يزعلني هو أنه يكرر نفس الكلام كلمة بكلمة وحرف بحرف. نقل مسطرة. قلت له يا فلان إنتة سوري وبلدك أخرجت لنا مفكرين عباقرة وأتمنى أن أسمع منك يخرج كلام يكون هو أنت مش تقول اللي بيقولوه وتكرره بهذا الشكل الجامد. وجدتهم حرفانيين ودوجماطيقيين للغاية يا حكيم.. كأني أكلم مسلم متدين وكل شيء عنه في نص مبين. أنا بصراحة ماليش صبر على كدة.

2. سؤالي التاني هو: بحسب كلام صديقك البروفسور الأنجليكاني... ممكن تسأله لي عن وجوه الدقة لترجمة شهود يهوه على باقي الترجمات؟ أي أمثلة أكون شاكر عليها.

والأرثوذكس الأقباط يا صديقي مش خبراء في ترجمات الكتاب المقدس ولا يسجل لهم التاريخ ترجمات وكأنها تناطح السحاب مثلما نقرأ عن تاريخ الترجمات العربية في الشرق الأدنى.

لو عرفت تجيب لي اسم الترجمة دي وبياناتها بدقة ممكن أستلفها وأعمل لها سكان أي مسح ضوئي لو سمحوا لي هنا باستعارتها. خلينا نجرب.:redrose: