انا يا جماعة طرحت هذه الموضوع لمناقشة قصة الهروب لآنى اكتشفت ان الموضوع بسيط لدى الكثير من الناس. نسبة ممن أعرفهم (كانوا معى فى العمل) هربوا و اعترف انى صدمت فى البعض منهم. لذلك انا طرحت هذا الموضوع و بسأل ايه اللى حصل فى المستوى الأخلاقى للناس؟ اكرر شخصيا انا اعتبر الهروب حل لاأخلاقى و غير مطروح بالنسبة لى على الأقل.

الزميل طنطاوي .. بالنسبة للسؤال عن حجم القسط. هل السؤال للفضول ام له سبب؟

الزميل الحكيم الرائى .. موافق معك 100%

الزميل أندروبوف .. مش لما اعرف ابيعها الأول. انا عارضها للبيع و عامل كام اعلان بس للأسف اللى بيتكلموا بيعرضوا اسعار تدعوا إلى الضحك لدرجة أنه فى أسوء الحالات لو أنا بعتها بالأسعار المقترحة فلن أستطيع تسوية القسط. للأسف هناك البعض يستغل الظروف بصورة سيئة للغاية.

بالمناسبة أنا لست ضد استغلال الظروف لتحقيق ربح معقول و لكن انا اعتقد ان اللى بيحصل فى الإمارات زيادة جدا و على الأقل غريب جدا لأن ضرب الأسعار إلى النصف او أقل لايحل مشكلة بل يساهم فى تفاقمها بالمساعدة على المزيد من الإنهيار فى الأسعار و احسن مثال لذلك ما يحدث فى سوق العقارات فى دبى.