Array
كل عام وسوريا بخير وأحلى وأبهى

عزيزي خوليو؛
لا بد لكل بلد في البدء الاستقلال، ولا بدك تعملي متل "هومو مدري شو"، أنه يعيش الاستعمار ويسقط الاستقلال؟
بعدين لشو وقفت على 30 سنة يعني؟:D
مشان لما تيجي يكون البلد جاهز، مهو نحنا اللي بنعمل البلد .. وبدون استقلال كان الوضع برأيي أسوأ.
شوف هاي جزر القمر استقلت من كم سنة بس عن فرنسا وشوف كيف حالتها اليوم، وكيف في جزيرة اختارت ترجع لفرنسا.
الاستعمار يمكن يصحي بلاد، بس ما بيعمر بيوت ولا بلاد.
شوف المستعمرات الفرنسية اللي موجودة لليوم واللي بسموها الـ dom-tom بعدها جهل وتخلف وفقر، وعملوا فيها اضرابات من أشهر ولا حدا بيحكي فيها وشلت الحركة فيها، ولا حدا لا بالعالم ولا بفرنسا نفسها مهتم.

شو بدك بالحكي، ما حدا بيبني البلاد غير أهلها.

محبتي
(f)
[/quote]

هلأ إنت مو رايح عسوريا .. !! .. آ خاي !!
طيّب سماع لقلك .. بعطيك مهلة سنة زمان بسوريا .. منرجع بعيد الجلاء القادم منّاقش الموضوع .. ووقتها أظن رح آخد أنا دور "الوطني" ضد إنبطاحيتك:)..
هلأ إذا بدنا نحكي بالجد .. أنا ما عبطرح الكلام السابق للنقاش لأني ماني مقتنع فيه كاملاً .. هوّ فشّة خلق بس .. ورغم هيك .. بظن إنو الإستعمار الفرنسي فعلاً قدّم شي ثقافي وحضاري للبلد .. وهي حال أي حركة استعمارية عمد التاريخ من أيام اسكندر الأكبر .. ديماً المستعمر بجيب معو حضارتو للبلاد يلي بيحتلها .. نابليون جاب أول مطبعة بالوطن العربي .. ولك حتّى الغزو الإسلامي للأندلس أخد معوالأدب والشعر والبذخ العمراني ..
بس رغم هيك .. كمان القاعدة التاريخية بتقول : الإستعمار بيجلب الإستبداد .. والإستبداد هو استغلال للموارد البشرية والطبيعية للأراضي المستعمرة لخدمة المستعمر بالنهاية .. إقتصاديا واستراتيجياً وغيرو ..

شو كان صار لو الإستعمار الفرنسي لهلأ موجود !! .. ما فيني اتنبّأ .. بس ما كتير بوافق نظرتك التشاؤميّة .. يلي ما بشوفها مدفوعة من الحنين والشوق للوطن مو أكتر ..


أحلى وردة لطرّوق :redrose:



سبيشال ..
يا رجل .. إي البوستين بدهن كل هاللف والدوران .. كتوب موضوع قول فيه بدك بوستين منّي .. وما بدها تلف وتدور وتدخلي سوريا والجلاء والاستعمار والوطنية وما بعرف شو .. مشان هالبوستين ..:)

صدق فرويد لما اعتبر الوطنيّة عبارة عن عمليّة "تحويل" لليبيدو الجنسي المكبوت ..:)..


وهي وردة .. باعتبار مافي بوسات هون :redrose:


خوليو