Array
اصلا كان الحديث عن القاعدة وتم التغيير الى حزب البعث ونظام صدام ، والبركة بمن ساندوا امريكا اولاً ، ثم انقلب التغيير عليهم اي الى حزب الله ووالدته ايران ؛ فليشربوا من نفس الكأس .
[/quote]
أولا بخصوص مساندة أمريكا فالفرق الخمسة المدرعة ولواءى الهاوتز الخاصين بى لم يشتركوا فى أى معارك خارج حدود شبرا الخيمة الدولية المعترف بها بإستثناء عملية بلتزكريج سريعة ضد بقال فى باب الشعرية نصب عليه وحلق لى فى صفقة مواد غذائية غير صالحة للإستهلاك الأدمى ولا الحيوانى ومرضيش يدفع الفلوس المتأخرة عليه بالإضافة لعملية إنزال منوى محدودة خلف خطوط الغسيل بتاع بنت الجيران....... مساندة إيه يابا, إحنا لاقيين ناكل الأول علشان نساند! وحياة غلاوتك عندى بقالى تلت أيام على لحم بطنى مدقتش فيهم الزاد لما جهازى الهضمى أوشك على الضمور من ركنته لاشغلة ولامشغلة! ملاقيش معاك 64 ألف دولار أفك بيهم زنقتى وأمشى بيهم حالى لأول الشهر ينوبك فيه ثواب...... طيب علشان منزعلش من بعض علشان مبلغ تافه زى ده أنت تبعتلى شيك بالمبلغ وأنا سأعلن إسلامى ومبايعتى لخادم الحرمين الشريفين على السمع والطاعة فى المنشط والمكوة حتى لو خالف كلامه كتاب الله وسنة نبيه الكريم وهدى السلف الصالح وهنزل بقصة تحول ستكون the mother of all conversion stories وهتفرقع فى السوق وتصبح حديث الفضائيات والنت لعقود طويلة قادمة بدل قصص التحول المضروبة اللى مالية السوق اليومين دول, يعنى متعة, إثارة, تشويق , مغامرة, رقص شرقى, مرح, فكاهة, سيكو سيكو you name it وهخلى إبن باز يلعب دور الجان بريميير علشان معزتك عندى.

نرجع بقى لمرجوعنا... بس وحياة أبوك متنساش الفلوس علشان أخوك مقشفر وعلى أحكام بالحبس واجبة النفاذ وأنت برضه ميرضكش الكلام ده, أى نعم أنا لسانى طويل وقليل الأدب وغلطت كتير فى حقك بس أنت برضه ميرضكش أتحبس وقلبك كبير وهتسامحنى وتبعت ال64 ألف دولار وزى ماأنت عارف إحنا داخلين على حرب التلاتين سنة مع إيران وعايز أعمل حسابى فى الساندوتشات والحاجة الساقعة واللب والشاى والقهوة وباقى الأمور اللوجستية ومستلزمات الحروب والإرهاب الدولى وترويع الأمنين.

كنت بتقول إيه بقى, مساندة أمريكا.. بذمتك مش مكسوف من نفسك وأنت شحط طويل عريض وبتقول هذا الكلام! خلاص أنا نفسنت منك ومش عايز فلوس والله الغنى عنك ومفيش قصة تحول وخليكم بقى فى القصص التايوانى المضروبة اللى مالية السوق.

نخش بقى على موضوعنا بعد تلك المقدمة القصيرة ولكن غير المهمة على الإطلاق ولكنى مش لاقى حاجة أعملها أفضل من كده والعملية ناشفة والواحد كل مايروح حتة إقتصادها ينهار ومش عارف إيه النحس ده ياربى! فياريت والنبى تبعت ال64 ألف دولار بأسرع مايمكن ولو مش معاك أنا ممكن أخليك تدفعهم على أقساط كل شهر 78 ألف دولار على 92 سنة وثلاثة أشهر بفائدة بسيطة وغير مركبة38%- علشان بس تعرف إنى إنسان غير مادى وغير جشع ولاأحب إستغلال ظروف الأخرين للتربح من ورائها- أما بالنسبة لموضوع مساندة أمريكا فالقصة ومافيها أنى لم أكن مع أو ضد وكل ماذكرته أنه فى فترة ماقبل الغزو ومن خلال جولاتى المكوكية على الفضائيات والنت تولد إنطباع عام لدى بأن كثير من العراقيين يؤيدون الإطاحة بصدام وطبعا لسابق معرفتى بالضرورة وعمايله السودة وجدت أن هذا شئ طبيعى ويمكن تفهمه وهذا مجرد إنطباع لاعلاقة له بمع أو ضد وإذا كان أصحاب الشأن هذا رأيهم وأنا مال دين أمى! بلدهم وهم أحرار فيها كما يجب التنويه أنه من الجائز جدا أن تكون ماكينة البروباجندا الأمريكية هى التى خلقت لدى هذا الإنطباع وعادى بتحصل فى أحسن العائلات! ومازال لليوم كثير من العراقيين مؤيدين للغزو والذى بالمناسبةأشتركت فيه دول عربية كثيرة جهرا وسرا, ومش عايزين الكلام ياخدنا وننسى موضوع ال64 ألف دولار اللى عليك فبرجاء إرسالهم فى أسرع وقت ممكن أو مايعادلهم من النفط خام برنت أو تكساس ولو مفيهاش رزالة شوية زيت موتور و ترانسميشن وفرامل وشوية غيارات داخلية رجالى وحريمى وبطانية صوف عليها نمر ومروحة سانيو ونينتدو وجركن ميه من زمزم وطقم حلل ستانلس ستيل وشاكر لحسن تفهمكم.