Array
مسااااااااااااااااااااااء الخيرررررررررررررررررررررررررر :cool:

سؤال وماشي على طول:هواحنا ليه لمانختلف في اي حاجة سواء كانت دين بقى وجهة نظر الى آخره لازم نقفش في بعض ونقطع هدوم بعض :2talk: ده انا في مرة حتى كنت قاعد مع واحد بنكركر جوزة على القهوة وهو كان عايز يشرب نوع معين من المعسل وانا ماوافقتش عليه مجرد ماوفقتش واقترحت بس نوع تاني نوع تفاح معتبر كان عايز يكسر الجوزة والقهوة كلها على نافوخ اللي خلفوني حتى في الجوزة مش مستحملين الاختلاف؟؟
روقوا ياجدعان :cool:

واحلى سلام وتحية لعم ابراهيم الراجل الكمل ده بجد انت شيخ المنتدى الجميل ده والواحد بيتستفيد منك ومن الكتب الرائعة اللي بترفعهالنا ياريس بس انت بجد اشرت لحاجة طريفة جدا في امريكا حكاية انهم بيقلبو على الملحدين دي وطبعا عمر مافي رئيس ملحد هيمسكها مش عارف بيقلبوا على الالحاد ليه وبيقعدوا يدافعوا عن اللواط والسحاق والشذوذ والامراض دي في افلامهم ده حتى الراجل اللي اسمه شون بن خد الاوسكار عن واحدلوطي اشمعنى يعني الالحاد؟؟مع ان ده شئ صحي جدا ان يكون في الحاد زي مافي دين ولو واحد فيهم نخ التاني هينخ معاه والحجر بتاع الجوزة كله هيبوظ

وعايز اسأل حضرتك سؤال ياباشا وأرجوك ماتزعلش مني لاني هتدخل في خصوصياتك:
انا آخر مرة من حوالي سنتين هنا كنت مسجل باسم تاني بس الصراحة نسيته الله يجازي الجوزة بقى حضرتك كنت بتشجع في الاسلام وبعدين قلبت وبقيت مسيحي ولعنت سلسفيل الاسلام في بعض مواضيعك هو حضرتك يعني بتشجع ايه ولامؤاخذة؟؟ عن نفسي انا بشجع الجوزة :15:

وانا في النهاية عايز اسجل اعجابي بثقافتكم الموسوعية ياعم ابراهيم (f)
واحلى سلام وتحية للأخ صاحب الموضوع (f)
تتمسوا بالخير :cool:
ومش عارف ليه الاشكال مش بتطلع :grin:
[/quote]


الأخ الغالي الطيب الكريم:

مشكلتنا كبشر عامة هي موضوع الاختلاف وقبول الرأي الآخر. هذا يتطلب أن نكون كبار وأنا لم أصل بعد لهذه المرحلة وأتمنى أن أصل إليها كاملاً.


أشكرك جزيلاً على كل ما قلت بحقي ولكن صدقني أنا أقل مما قلت بكثير. هذه هي الحقيقة.

من جهة أميركا فنحن هنا في عالم بدائي لا يزال يعيش بعقلية القرون الوسطى. تجد كثير من الصفات المشتركة بين الأميركان والعرب ومنها سلطة العاطفة وأنا لست استثناء للقاعدة.

والدفاع عن المثليين في أميركا لا يزال في أطواره الأولى وهم يحاولوا باستماتة إقناع الناس أن المثلية هي طريق من الطرق المستقيمة للبشر على اختلاف أشكالهم وألوانهم. ولكن المثليون يلجأون للأسلوب العنيف المستفز دون مراعاة لحرمة مشاعر أي واحد فتسمع رجال يستعرضون بصراخ أصواتهم بفحيح النساء وهم بذلك وبكل بجاحة يهينون الأنوثة لأن الأنوثة يا عزيزي لا تعني الضعف بل هي القوة بعينها.

أنا مؤمن بالله ولي اعتراضات على جميع الأديان. من كان قلبه قريب من الله سواء كان مسلم أو مسيحي أو أي ملة أو حتى كـ طاغور فهذا نفسي تألفه وتؤانسه. أعز أصدقائي شيخ مسجد بالقاهرة وأحب أسمعه وهو يقرأ الكلام باللغة العربية وأسمع مخارج الألفاظ لديه. أعز أصدقائي بمصر ليسوا مسيحيين ولكن مسلمين والاثنان مشايخ من الأزهر. أجالس الجميع وأجد في الجميع مساحة كبيرة من نفسي وفي نفسي. لا أريد أن أتحزب لفريق ضد الآخر. هذه هي أمنيتي وليساعدني الله على تحقيق هذه الأمنية.

ولي اعتراض على ملاحظة قلتها أنت بدعابة وهي "لعنت سلسفيل الإسلام". قد أسجل اعتراضات ولكني أحترم الإسلام وأحترم جميع المسلمين. أعز صديقاتي بمصر اسكندرانية محجبة. الجو المحتقن بمصر جعلني أرى الأمور من زاوية مسلم ومسيحي ولكن عندما خرجت من مصر حدث شيء من التماثل النفسي الداخلي وصرت أرى الناس بمرآة ابن عربي. أتمنى أن أكون أنا فعلا هكذا في حقيقتي والله أعلم. من يدري بتقلبات النفس البشرية ومجاهلها وأغوارها! ربي يعلم.