صديقي الرائع ديسكفري:

لو أنا كل همي على الجنس وأقيس كل شيء من خلاله وأجري على لقطات البورنو والأفلام المثيرة للغريزة يبقى الجنس هو اللي بيحركني وتقريباً أنا "مدمن".

لو الجنس احتياج طبيعي كالطعام والشراب وأنا اللي با أحركه مش هو اللي بيحركني يبقى أنا إنسان طبيعي ومش مدمن.

اللقطات الجنسية هي مصيبة المصائب وتؤدي للإدمان دون أن يشعر الواحد لأن الموضوع بيحصل بالتدريج. تصور مثلا أنت تضع ضفدعة في مية يادوب دافية وترفع درجة الحرارة بالتدريج واحدة واحدة... شيء طبيعي أن الضفدعة ها تستحلى المية الدافية والسكينة سارقاها يا ولداه ومش دارية باللي ينتظرها وراح يجرى لها....

لكن لو حطينا الضفدعة مرة واحدة في مية بتغلي فأكيد راح تفط من المية.

الإدمان الجنسي يشبه المية الدافية والتي تسخن بالتدريج لغاية ما توصل لمرحلة الغليان وفجأة نلاقي أنفسنا اتشوينا واتسلقنا من ع الجنبين والجنس يكون لحس عقلنا وربنا ما يوريك حالة الناس في الحالة دي. حالتهم تصعب ع الكافر والعشرة منهم بقرش. ربنا يحمينا من البهدلة دي. لا شيء أسوأ من أن يذل الرجل نفسه بغريزته عوضاً عن أن يكون هو المتحكم فيها.