عزيزي بهجـت..
[quote]

لماذا لا تضيفين مداخلة بأقرب المشاهير شبها بك في ذلك الشريط ؟.فهذا أقرب طريق لدخول التاريخ .

انا ما اردت ولا اريـد ان ادخل التاريخ..
جل الذي اريده هو ان اراكم او اعرف ولو عن طريق الصور ملامحكم..

بتعرف بهجت..

انا ما بعرف اني ازا بشبه حد معين او لا.. لكن بحياتي ما قابلت حد الا سألني انت..هيام
انت منى
انت..؟؟الخ؟

دايما بحس حالي بشبه صفات بأشخاص او ناس لو حتى ما بشبهم بالشكل كتير بشبهم بحركات معينة

بهجت
كل حد بمثل نفسه..
وما بيشبه الا نفسه حتى التوينز..لو كان آيندنتكال الا رح يكون بينهم فرق بشيء معين..

انا بعرف انه بهجت بشكله ما حد بيشبه الا نفسه حتى لو اخوه اللي ممكن كتير يشبهك

وامان ما حد بيشبها الا امان نفسها

والحر
وعاصي

اللي عماله بيصير انه كل ما تتعلق بالكلمة وبالحرف .. بتبلش تعشق صاحبها وترسم اله صورة من خيالك.. متل كإنك بتحط هاد الشخص بإطار.. بframe معين..
وما بتحب لو حتى شوية غبرة تغبر هالاطار لانك انت اللي لمعتّه وانت اللي رسمت هالصورة الحلوة لهالشخص..

و بصير الامر اصعب شوي لما تشوف صاحب الصورة الحقيقي مش الافتراضي.. (اللي معلق صورته وراسمها بالاطار)!!

وقتها يمكن يرتطم وجهنا بزجاج الحقيقة وما رح نرضى على حالنا انه نصدق انه هاد هو او هادي هي صاحب/ة الصورة الفعلي لانه قناعة معينة انبنت جواتنا انه بس اللي بالاطار هو الحقيقي مش الافتراضي..

ما بعرف ليه عمالي وانا بكتب هاي الكلمات يا بهجت عم بتزكر رواية سيرانو دي برجراك الفرنسي (الشاعر) ابو انف طويل ومنظر قبيح او بشع ازا جازلي التعبير.. بس كان مفوّه وشاعر ورجل وكتير صفات حلوة..

وكيف الحبيبة كانت تشوفه كليوم وما تحس بوجوده زي كإنه ما مر من جنبها او م ش موجود من اصله..
وكيف كانت تعشق صاحب الشكل الحلو.. اللي ما بيعرف يحكي كلمتين على بعض

ولما الفارس الحلو طلب من الشاعر يصير يكتب احلى القصائد ويلقيها مرات من ورا الشجر والحبيبة واقفة على شرفتها بتسمع لاجمل واعذب عبارات الهوى.. وبتدوب معها وهي كانت مقرنه الكلام الحلو بالشخص الحلو..(اللي فعلا ما بيعرف يحكي ولا شي حلو)!!

والشخص البشع كان يشعر بنشوة وبفرح انه عماله بيحكي وببث لواعج صدره ومشاعره الحارة لحبيبة مش حاسة اصلا بوجوده..على قد ما هالشي كان بيئزيه على قد ما كان بيفرح قلبه وبيعطيه قدر قليل من الرضا انه قدرت لو تحت اسم مستعار وشكل مستعار اني اخبرها عن حبي..

يمكن مش قصدي ابعد عن الموضوع بس هيك حسيت انه الشيء بالشيء يذكر..

مقاييس الجمال اللي عنا نحنا البشر عمرها ما توحدّت ولا استقرت ومشان هيك ازا ما كانت صورتنا حلوة او شكلنا (اللي ما خلقناه نحنا بل الخالق ربي) حلو على الاقل يكون كلامنا مؤثر
حلو
مقنع
سلس
قادر انه يسبر اغوارك لابعد مما قد تظن انه موجود فيك..


كنت قد جلست يوما مع برفسور في الصحة العامة والطب النفسي ..فتحدثنا لوقت غير قصير
قلت له: استاذي هل استطيع ان أسألك:
-
قال سلي ما تشآئين.
- قلت له: هلأ اذا انا متت وتبرعت بعيوني لحد رح يصير يبصر شي اكيد بس سؤالي هل رح يصير يتطلّع على الامور متلي؟
يشوف الاشياء بعيوني انا ليلاء؟

هل رح تكون له نظراتي التي يصفها كل كل من يعرفني بالعمق؟

فاستوقفني قبل ان اكمل كلامي قائلا: رهيبة انت؟
انا صرت رجال كبير كتير وباع طويل جدا قضيته في التدريس للجامعيين والاطباء وكل نظريات الطب النفسي والسكيولوجي احفظها كإسمي ما فكرت يوما بمثل هذا السؤال؟
وتابعنا الحديث واجابني ولم اقتنع بأجوبته ولكن كنت اصغي له باهتمام..

فقال لي فجأة: هل اخبرك شيئا؟
-نعم اجبت.

- كنت اسمع عنك ولكن كنت اظنك كالآخريات هنا, دائما رأسك مدفون في الكمبيوتر, وكنت اظن انك تستمعين لاغاني ليست ذات قيمة او تلاحقين الموضة وماسكات التجميل وغيرها من هاذه القصص, لكن لما جلست مرة معك وهذه المرة ايضا لمست فيك ما لم المسه من قبل..

بالحقيقة يجب ان اعترف انه يجب ان لا نحكم على الآخرين قبل ان نحتك فيهم او نحادثهم..

دعيني اعترف انك اعذب لحن وسط كل النشاز الذي يحيط بي.. في هذه الكلية..


واعزائي اعضاء النادي ايضا انا اردت ان نتحادث ونتواصل بكل الطرق لنحكم على بعضنا (لا لتقييم بعضنا) بل للنفع والاستنفاع..


ورغم ذلك لن أيأس وسأنتظر ان ارى ولو بعضا منكم ان عزّ علي رؤيتكم جميعا..!!



ليلاء
بذرة لا زالت تنمو(f)