Array
طبعا انت تعرف الراجل اكتر واجدر بالحكم عليه,انا بصراحة لا اهضم نوعية النسوان اللى دايما مظلومة وحياتها دايما مأسى,طيب ايه اللى هيخلى الاهل يوافقوا دلوقتى لو راح اتقدم لها؟ انها اصبحت سكندهاند يعنى ؟؟؟؟وعاوزين يستروا عليها بأى شكل ؟ ايه المانع انهم يرفضوه تانى لو تقدم مثلا لها واحد عازب موش متجوز وعاوزها؟وايه يخليهم يدوا بنتهم لراجل متجوز وعنده قورطت عيال..أيه المانع انهم يجرحونه تاانى ويهينوا كرامته ايه المانع انها ترجع وتفقعه زمبة زى اول مرة ,اللى الخيانة والبيع فى طبعه بتدنها فى طبعه...
بصراحة لو كان صاحبى كنت هقوله ريح نفوخك من المرة اللبط دى وانتبه لبيتك وعيالك لو كان المسالة قصة حب واقوله يا أووحى وتقولى يأأأوحى كنا قلنا شئ تاانى,لكن المولود شكله فطيس
اتمنى له التوفيق ويبعد عن المرة اللبش دى
[/quote]


فاكر يا حكيم لما قولتلك انك من القلائل اللى عرفتهم فى حياتى بينقط من كلماتهم الحكمة ؟ (f)

عاشق : هقولك على شئ بسيط جدا , فى فيلم كان اسمه فارم مش عارف ايه , وكان بيحكى عن مهندس كان حلم حياته انه ينضم لناسا ويسافر للفضاء , لكن لسبب مش فاكره لم ينضم ! فما كان منه الا انه قرر ان يبنى صاروخ ويطلع بيه القمر فى حظيرته , محاولته الاولى بائت بالفشل وكاد ان يقتل نفسه . فما كان منه الا انه شحن كل حاجة فى المخزن , وقال لزوجته : انه خلاص نسى الموضوع !

وفى يوم من الايام , قالته زوجته : انا اشوف أولادنا ازى أتعلقوا بيك , وبيأخدوك كمثل اعلى ! انا عمرى ما شفت طفل بيتعلق بأبوه كده , انت لميت العائلة وخليتها ايد واحدة وكلنا وقفنا جنبك . لو توقفت الان , ايه الرسالة اللى بتبعتها لأولادنا " تخلوا عن احلامكوا ؟ كما تخلى ابوكم " . حاول مرة اخرى , وحتى لو مت - ولادك هيفضلوا فاكرين كيف انك بذلت كل ما تملك من اجل تحقيق حلمك " .

على الرغم انه كان فيلم الا ان الجملة دى فعلا عكست اسلوب التربية والحياة - فى النهاية انت او انا هنموت وندفن بالحياء , لكن من بعدنا هيفضل دائما متذكر كيف وقف شخص لمبدئه ودافع عنه , كيف انه اخلص للناس اللى حبيته ورد الجميل ! الابقاء على زواج ينتج عنه اولاد على الاقل 3 سنين بيتعبر انجاز كبير , ومش انجاز من طرفه بس ولكن من طرف ام أولاده . هل بهجر ام ولاده والست اللى كانت معاه وقبلته وهو لا جى من الخليج ولا حتى من بنما - هى الرسالة اللى عايز يوصلها لاولاده ؟ هل هو عارف كمية التشوهات النفسية اللى هتتكون فى اولاده نتيجة " لصفعة نكران الجميل " اللى هو على وشك ان يعطيها لام اولاده ؟


انا عايز اتخيل نفسية انسانة تقبل على نفسها ان تفتح بيت , بخراب بيت تانى ؟ لو بتحبه صحيح وهى على ثقة من كده يعيشوا مع بعض او يتجوزوا فى السر - وابقى تعالى تف فى وشى لو قابلت ! قوله : عيب تسيب الاصل عشان الصورة , وعيب تسيب ام اولادك عشان انسانة مقدرتش تضحى بأهلها عشان خاطرك وتقف فى وشهم من اجلك . قوله : اللى يبيع أهله بالرخيص , يشتريه الناس بالارخص .....(f)

قوله : بكرة تتعب وتدور على حد تسند عليه - والحد ده لا هيكون اخ او ابن زوجة ولادها هيعاملوك كزوج اب , وساعة لما تيجى تتدور على ولادك وتكون محتاجلهم فعلا - هيلطشوك قلم , اضعاف المرات اللى لطشته لأمهم . ومهما عدى الزمن وغنيتهم بالمال او بالسلطة او باى شئ - لن ينسوا فى يوم من الايام ان ابواهم لطش اقرب المقربين اليهم - امهم - قلم لم ولن تنساه .

وهو حر